LIVE BLOG : कल्याण पश्चिमेत भाजप आमदारांची बंडखोरी

Background

१. 125 उमेदवारांची भाजपची पहिली यादी जाहीर, खडसे, तावडे वेटिंगवर, आज दुसरी यादी जाहीर होणार

२. उमेदवारी न मिळाल्यानं मुंबई, सातारा, नागपूर, परभणी, नांदेडसह ठिकठिकाणी बंडाळी, कार्यकर्त्यांच्या रोषाचा सामना करताना दरेकरांचा संताप अनावर

३. विधानसभेसाठी ५२ उमेदवारांची काँग्रेसची उमेदवारी जाहीर, कराडमधून पृथ्वीराज चव्हाण, लातूर ग्रामीणमधून धीरज देशमुख, गोरेगावमधून युवराज मोहितेंना उमेदवारी जाहीर

४. विधानसभेसाठी मनसेची पहिली यादी, 27 जणांच्या नावावर शिक्कामोर्तब, मुंबई, ठाणे आणि नाशकातले उमेदवार जाहीर, वरळीतून अद्याप उमेदवार नाही

५. मशाल महोत्सवानिमित्तं प्रतापगड उजळला, यंदा 359 मशाली पेटवल्या, गडावर फटाक्यांचीही आतषबाजी

6. राष्ट्रपिता महात्मा गांधींची आज 150वी जयंती, दिग्गजांकडून गांधींना आदरांजली तर देशभरात स्वच्छता अभियानाद्वारे श्रद्धांजली अर्पण करणार

22:24 PM (IST)  •  02 Oct 2019

भाजपची दुसरी यादी जाहीर, यादीत एकनाथ खडसे, चंद्रशेखर बावनकुळे, विनोद तावडे यांचं नाव नाही. केजमधून नमिता मुंदडांना उमेदवारी तर गोपीचंद पडळकर बारामतीतून लढणार

22:23 PM (IST)  •  02 Oct 2019

भाजपची दुसरी यादी जाहीर, खडसे, तावडे, बावनकुळे यांचं नाव नाही

18:15 PM (IST)  •  02 Oct 2019

कल्याण पश्चिमेत भाजप आमदारांची बंडखोरी, शिवसेनेला जागा सोडल्याने अपक्ष निवडणूक लढणार : ठाणे जिल्ह्यातील राजकीयदृष्ट्या महत्त्वाच्या असलेल्या कल्याण पश्चिम मतदारसंघात भाजप आमदारांनी बंडखोरीची घोषणा केली आहे. ही जागा शिवसेनेला सोडल्यानं भाजपनं बंडाचा पवित्रा घेतला आहे. कल्याण पश्चिम मतदारसंघात 2014 साली भाजपचे नरेंद्र पवार आमदार म्हणून निवडून आले होते. मात्र यंदा ऐरोलीच्या मोबदल्यात भाजपनं कल्याण पश्चिमेची जागा शिवसेनेला सोडली. त्यामुळं नाराज भाजप कार्यकर्ते आणि पदाधिकाऱ्यांनी सामूहिक राजीनामे देत पक्षाला आज दुपारपर्यंतचा अल्टीमेटम दिला होता. मात्र याची दखल घेतली गेली नाही, त्यामुळे आज विद्यमान भाजप आमदार नरेंद्र पवार यांनी अपक्ष उमेदवारी अर्ज भरणार असल्याची घोषणा केली आहे.

18:01 PM (IST)  •  02 Oct 2019

भाजपच्या दुसऱ्या यादीतही एकनाथ खडसेंचं नाव नाही, सूत्रांची माहिती, खडसे यांना उमेदवारी मिळणार की नाही याबाबत सर्वत्र चर्चा, खडसेंच्या कन्येला तिकीट मिळण्याची शक्यता

14:14 PM (IST)  •  02 Oct 2019

शिवसेना पुणे शहर एकही विधानसभा मतदारसंघ शिवसेनेच्या वाट्याला न आल्याने वडगाव शेरी विधानसभा मतदारसंघांमध्ये शिवसैनिकांची नाराजी