LIVE BLOG : मनसे अध्यक्ष राज ठाकरे यांना कोहिनूर प्रकरणात ईडीनं नोटीस बजावली, राज ठाकरे यांची चौकशी होणार

Background

राज्यातील आणि देशातील महत्त्वाच्या बातम्यांच्या आढावा 

1. काश्मीर प्रकरण आता अणुयुद्धाच्या उंबरठ्यावर, राजनाथ यांच्या इशाऱ्यानंतर पाक परराष्ट्र मंत्र्यांची दर्पोक्ती, भारताकडून पाकची चौकी उद्ध्वस्त

2. माजी अर्थमंत्री अरुण जेटलींची प्रकृती चिंताजनक, दिल्लीतल्या एम्स रूग्णालयात लाईफ सपोर्ट सिस्टमवर

3. आजपासून मुंबईत सीएनजीची पुरवठा सुरळीत होणार, उरणमधल्या ओएनजीसीच्या प्रकल्पातील तांत्रिक बिघाड दुरूस्तीच्या मार्गावर, महानगर गॅसची माहिती

4. 33 कोटी वृक्ष लागवड योजनेवर अभिनेता सयाजी शिंदेंची टीकेची कुऱ्हाड, मुनगंटीवारांना विचारले 5 सवाल, एबीपी माझाला एक्सक्लुझिव्ह मुलाखत

5. वेगवेगळ्या देशांच्या राजदूतांसमोर खासदार संभाजी राजेंनी मांडली पूरग्रस्तांची व्यथा, तर अभिनेत्री दिपाली सय्यद यांच्याकडून 5 कोटींची मदत जाहीर

6. मराठवाड्यातल्या कृत्रिम पावसासाठी अखेर विमान भारतात दाखल, सोमवारपासून प्रयोगाला सुरूवात, लोणीकरांनी सांगितला नवा मुहूर्त

7. टीम इंडियाचा डावखुरा फिरकी गोलंदाज रवींद्र जाडेजाला अर्जुन पुरस्कार; जाडेजासह १९ जणांची अर्जुन पुरस्कारासाठी निवड, पॅरा अॅथलीट दीपा मलिकला खेलरत्न

18:47 PM (IST)  •  18 Aug 2019

नागपूर - औरंगाबाद एक्स्प्रेस हायवेवर भिषण अपघातात चार ठार, अमरावती जिल्ह्यातील धामणगाव रेल्वे तालुक्यातील तळेगाव दशासर हद्दीतील घटना, नागपूर वरून आपल्या गावी रक्षाबंधनासाठी अल्टो कारने जात असताना विरुद्ध दिशेने येणाऱ्या ट्रकने आज दुपारी धडक दिल्याने झाला अपघात...

22:55 PM (IST)  •  18 Aug 2019

मनसे अध्यक्ष राज ठाकरे यांना कोहिनूर प्रकरणात ईडीनं नोटीस बजावली, विधानसभेच्या तोंडावर राज ठाकरे यांची चौकशी होणार, 22 तारखेला राज यांना चौकशीला हजर राहण्याचे आदेश

18:16 PM (IST)  •  18 Aug 2019

सुभाष देशमुख यांचा रक्षाबंधन उत्सव साजरा, चित्रा वाघ यांनीही बांधली सहकारमंत्र्यांना राखी

17:05 PM (IST)  •  18 Aug 2019

अहमदनगर जिल्ह्यातल्या पाठरफी तालुक्यातील पिरेवाडी या गावात हेलिकॉप्टरच्या माध्यमातून डोंगरावर बीज रोपण करण्याचा उपक्रम राबविण्यात आला. पिरेवाडी ग्रामपंचायतीने राज्य सरकारच्या 33 कोटी वृक्षारोपण कार्यक्रमात सहभाग घेत हा उपक्रम राबवलाय. पिरेवाडी गावापासून 9 किलोमीटर अंतरावर डोंगररांगा असल्याने या डोंगरांवर हेलिकॉप्टर मध्ये बसून बिया डोंगरावर टाकून बीजरोपण करण्यात आले.

18:13 PM (IST)  •  18 Aug 2019

सांगलीत पूरग्रस्त जनावरांच्या तपासणीसाठी आलेल्या लातूरच्या पशु वैद्यकीय आधिकाऱ्याचा हृदयाविकाराच्या धक्क्याने मृत्यू झाला आहे. नारायण खरोलकर असे या डॉक्टरचे नाव आहे. 14 ऑगस्ट रोजी सांगली मध्ये खरोलकर हे पुरातील जनावरांच्या तपासणीसाठी आले होते.आज सकाळी ते राहात असलेल्या ठिकाणी झोपेतच त्यांना हृदयविकाराचा झटका आला.