Diwali 2024 Make-Up: दिवाळीत मेकअप चेहऱ्यावरून जराही हलणार नाही? जास्त काळ टिकेल, फक्त तज्ज्ञांच्या 'या' टिप्स फॉलो करा 

Diwali 2024 Make-up: प्रत्येक स्त्रीला मेकअप करण्याची आवड असते, परंतु जर मेकअप चेहऱ्यावर टिकत नसेल, तर तुम्ही यासाठी या टिप्स फॉलो करू शकता.

Diwali 2024 Make Up Diwali make up will not move from the face last longer just follow these tips from experts

Source : Google

Diwali 2024 Make Up: दिवाळीला सुरूवात झालीय. विविध साड्या, ड्रेस, पणत्या, दिवे, तोरणं, फुलं अशा विविध गोष्टींनी बाजारपेठा अगदी फुलल्या आहेत. सणासुदीत विशेषत: महिला वर्गाचा उत्साह अगदी शिगेला पोहचतो. दिवाळी निमित्त महिलांना नटणे, मेकअप करायला खूप आवडते. या दिवसात महिला सुंदर पोशाख घालतात, उत्तम दागिने आणि मेक-अप देखील करतात. मेकअपमुळे तुमचा लूक अधिक सुंदर आणि आकर्षक बनण्यास मदत होते. जर तुम्ही दिवाळीला मेकअप करत असाल आणि तुमचा मेकअप बराच काळ टिकून राहावा, असं वाटत असेल तर तुम्ही एक्सपर्ट्सच्या या टिप्स नक्की फॉलो केल्या पाहिजे.

मेकअप करण्यापूर्वी एक्सपर्ट्सच्या या टिप्स फॉलो करा

• मेकअप लावण्यापूर्वी, त्वचा पूर्णपणे स्वच्छ करा. यानंतर तुम्ही मेकअप लावा.
• तुमचा मेकअप जास्त काळ टिकण्यासाठी, हायलुरोनिक ऍसिड किंवा ग्लिसरीनसह मॉइश्चरायझर निवडा.
• सिलिकॉन मुक्त प्राइमर निवडा. 
• जर तुमची त्वचा कोरडी असेल, तर हायड्रेटिंग प्राइमर वापरा, जे तुमच्या त्वचेचे संरक्षण करताना चमक देते. 
• तेलकट त्वचेसाठी, मॅटिफायिंग प्राइमर वापरा.

तुम्ही असा पर्याय निवडावा

सण-उत्सवांमध्ये तुमचा मेकअप बराच काळ टिकेल याची खात्री करण्यासाठी तुम्ही असा पर्याय निवडावा. ज्यामध्ये SPF असते ज्यामुळे तुम्ही दिवसा बाहेर जात असाल तर ते तुमच्या त्वचेला UV नुकसान होण्यापासून वाचवू शकते. यासोबत तुम्ही मिनरल फाउंडेशन किंवा बीबी क्रीम देखील वापरू शकता. क्रीम-आधारित ब्लश, ब्रॉन्झर आणि हायलाइटर वापरा. मेकअप लावल्यानंतर तो जागी ठेवण्यासाठी आणि तुमची त्वचा हायड्रेट ठेवण्यासाठी सेटिंग स्प्रे वापरा.

हे देखील लक्षात ठेवा

• झोपताना मेकअप पूर्णपणे काढून टाका.
• मेकअप काढण्यासाठी ऑइल बेस्ड क्लिंझर वापरा. 

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )