Tea : गाड्यावर किती वेळापूर्वी बनवलेला चहा प्यावा? पुन्हा गरम केलेला चहा कधी बनतो विष?

Stale Tea Poison : शिळा किंवा 3 ते 4 तासांपेक्षा जास्त वेळ ठेवलेला चहा पुन्हा गरम करून पिणे आरोग्यासाठी अत्यंत धोकादायक ठरू शकते. यामुळे बॅक्टेरिया वाढून फूड पॉयझनिंगचा धोका निर्माण होतो.

Stale Tea Poison

Source : abp majha

Stale Tea Poisoning : सकाळी घाईगडबडीत एकाच वेळी दोन-तीन कप चहा बनवून ठेवणे आणि तासन्‌तास तोच चहा पुन्हा गरम करून पिणे, ही सवय अनेक चहाप्रेमींमध्ये सामान्यपणे दिसून येते. मात्र, हीच सवय तुमच्या आरोग्यासाठी अत्यंत घातक आणि विषारी ठरू शकते. तज्ज्ञांच्या मते, 3 ते 4 तासांपेक्षा जास्त वेळ उघडा किंवा तसाच ठेवलेला चहा पुन्हा गरम करून प्यायल्याने शरीरात गंभीर आजार पसरण्याचा धोका असतो.

चहा तयार झाल्यानंतर काही तासांतच त्यात सूक्ष्मजीव आणि बॅक्टेरिया वाढू लागतात. असा चहा शरीरात गेल्यावर विषारी घटकांसारखा (Poisonous Effect) परिणाम दाखवण्यास सुरुवात करतो, ज्यामुळे आरोग्य बिघडू शकते.

Reheating Milk Tea Risks : दूध आणि साखरेच्या चहामध्ये सर्वाधिक धोका

खासकरून दूध आणि साखर घालून बनवलेला चहा पुन्हा गरम करणे अधिक धोक्याचे मानले जाते. दुधामध्ये असलेल्या पोषक घटकांमुळे बॅक्टेरिया आणि फंगस (बुरशी) वेगाने वाढतात. त्यामुळे बऱ्याच वेळ ठेवलेला दुधाचा चहा पुन्हा गरम करून प्यायल्यास तीव्र अन्नविषबाधा म्हणजेच फूड पॉयझनिंग (Food Poisoning) होण्याचा मोठा धोका असतो.

Herbal Tea Reheating Loss : चहातील पोषक तत्वे होतात नष्ट

केवळ दुधाचाच नाही, तर ग्रीन टी, हर्बल टी किंवा फ्रुटी टी बारंवार गरम केल्याने त्यातील सर्व औषधी आणि फायदेशीर गुणधर्म नष्ट होतात. ज्या आरोग्याच्या फायद्यांसाठी लोक हर्बल किंवा ग्रीन टी पितात, पुन्हा गरम केल्यावर ते सर्व फायदे पूर्णपणे निष्प्रभ ठरतात आणि उलट शरीराला हानी पोहोचवतात.

Fresh Tea Healthy Habit : शिळ्या चहापेक्षा आरोग्य महत्त्वाचे

अनेकदा लोक दूध, चहापत्ती आणि साखरेची नासाडी वाचवण्यासाठी उरलेला चहा पुन्हा गरम करतात. मात्र, एक्सपर्ट्सच्या मते ही छोटीशी बचत आरोग्याशी तडजोड करण्यासारखी आहे. त्यामुळे चहा नेहमी ताजा आणि हवा तेवढाच बनवावा. जर चहा उरलाच, तर तो 1 ते 2 तासांच्या आतच प्यावा. त्यापेक्षा जास्त वेळ राहिलेला चहा पुन्हा गरम करून न पिणे हेच शहाणपणाचे ठरते.

त्याचसोबत चहाच्या गाड्यावरील चहा हा नेमका कधी केलेला आहे याचा अंदाज अनेकांना येत नाही. गाड्यावरील चहा सातत्याने उकळत ठेवला जातो. सतत उकळणारा आणि जास्त वेळ करून ठेवलेला चहा आपल्या आरोग्यासाठी धोकादायक ठरू शकतो. 

ही बातमी वाचा: