Beed : सीझरनंतर महिला डॉक्टरांनी पोटातच सोडले हातमोजे अन् कागद; बाळाला जन्म देताच आईची मृत्यूशी झुंज
Beed Hospital Negligence : बीड जिल्हा रुग्णालयात सीझर शस्त्रक्रियेदरम्यान 19 वर्षीय महिलेच्या पोटात हातमोजे आणि कागद राहिल्याचा धक्कादायक प्रकार समोर आला आहे. पीडित महिला सध्या मृत्यूशी झुंज देत आहे.
Beed Hospital Medical Negligence : बीडच्या जिल्हा रुग्णालयातून वैद्यकीय क्षेत्राला काळिमा फासणारी आणि डॉक्टरांच्या गंभीर हलगर्जीपणाची एक धक्कादायक घटना उघडकीस आली आहे. अवघ्या 19 वर्षांच्या संध्या सूरज गायकवाड या नवमातेच्या सीझर (सिझेरियन) शस्त्रक्रियेदरम्यान डॉक्टरांनी तिच्या पोटात हातमोजे (Surgical Gloves) आणि कागद तसाच सोडून टाकला. या निष्काळजीपणामुळे ही आई सध्या पुण्यातील ससून रुग्णालयात मृत्यूशी झुंज देत आहे.
संध्या गायकवाड यांच्यावर 1 ऑगस्ट रोजी बीड जिल्हा रुग्णालयात सीझर शस्त्रक्रिया झाली होती. शस्त्रक्रियेनंतर चार दिवसांनी त्यांना रुग्णालयातून डिस्चार्ज देऊन घरी सोडण्यात आले. मात्र घरी आल्यावर संध्या यांच्या पोटात असह्य वेदना सुरू झाल्या.
Beed Patient Sassoon Hospital Surgery : पुण्यातील ससूनमध्ये शस्त्रक्रिया
संध्या यांची प्रकृती सातत्याने बिघडत चालल्याने कुटुंबीयांनी त्यांना एका खासगी रुग्णालयात नेऊन तपासणी केली. सोनोग्राफी आणि इतर वैद्यकीय चाचण्यांनंतर त्यांच्या पोटात काहीतरी अनोळखी वस्तू अडकल्याचे निष्पन्न झाले. परिस्थितीचे गांभीर्य ओळखून त्यांना तातडीने पुण्याच्या ससून रुग्णालयात हलवण्यात आले. ससून रुग्णालयात पार पडलेल्या शस्त्रक्रियेदरम्यान डॉक्टरांनी संध्या यांच्या पोटातून सर्जिकल हातमोजे आणि कागद बाहेर काढल्याचा खळबळजनक दावा त्यांच्या कुटुंबीयांनी केला आहे.
Beed Hospital Doctor Action : निष्काळजी डॉक्टरांवर कठोर कारवाईची मागणी
या घटनेमुळे बीड जिल्हा रुग्णालयातील कारभारावर प्रचंड चीड व्यक्त केली जात आहे. पीडित महिलेचे पती सूरज गायकवाड यांनी आरोप केला आहे की, डॉक्टरांच्या हलगर्जीपणामुळेच त्यांच्या पत्नीची ही गंभीर अवस्था झाली आहे. तर, "मुलीने बाळाला जन्म दिला, पण आज त्याला कुशीत घेण्याचीही तिच्यात ताकद उरलेली नाही," असा टाहो संध्या यांच्या आईने फोडला आहे.
Beed Civil Surgeon Statement : संबंधित डॉक्टर आणि कर्मचाऱ्यांना कारणे दाखवा नोटिसा
या घटनेचे तीव्र पडसाद उमटल्यानंतर बीडचे जिल्हा शल्यचिकित्सक ॲक्शन मोडमध्ये आले आहेत. सीझर शस्त्रक्रिया करणाऱ्या संबंधित महिला डॉक्टर आणि उपस्थित वैद्यकीय कर्मचाऱ्यांना कारणे दाखवा नोटिसा बजावण्यात आल्याचे त्यांनी सांगितले. आरोग्य विभागाने या प्रकरणाची गंभीर दखल घेतली असून, चौकशीत दोषी आढळणाऱ्यांवर कठोर कायदेशीर कारवाई केली जाईल, असे आश्वासन दिले आहे.
ही बातमी वाचा:
Before You Go
OBC Vs Maratha : 2 सप्टेंबरचा GR रद्द करा, मनोज जरांगेंच्या अंतरवालीत ओबीसी आक्रमक
महत्त्वाच्या बातम्या
