![ABP Premium](https://cdn.abplive.com/imagebank/Premium-ad-Icon.png)
Health : Office Stress चा वैयक्तिक जीवनावरही होतोय परिणाम? तणाव टाळण्यासाठी 'या' मार्गांचा अवलंब करा
Health : कामाच्या ठिकाणचा ताण तुमच्या वैयक्तिक जीवनावरही परिणाम करू शकतो. हे मानसिक आरोग्यासाठी देखील हानिकारक असू शकते
![Health : Office Stress चा वैयक्तिक जीवनावरही होतोय परिणाम? तणाव टाळण्यासाठी 'या' मार्गांचा अवलंब करा Health Lifestyle marathi news Office Stress Affecting Personal Life Follow these ways to avoid stress Health : Office Stress चा वैयक्तिक जीवनावरही होतोय परिणाम? तणाव टाळण्यासाठी 'या' मार्गांचा अवलंब करा](https://feeds.abplive.com/onecms/images/uploaded-images/2024/06/02/4114f4512d1bf971de27a14c3b46b0451717291546737381_original.jpg?impolicy=abp_cdn&imwidth=1200&height=675)
Health : आजकाल बदलती जीवनशैली, रोजची धावपळ, कौटुंबिक जबाबदाऱ्या आणि कामाचा ताण याचा सर्व परिणाम माणसाच्या आरोग्यावर होताना दिसत आहे. दैनंदिन जीवनात अनेकांना या समस्येचा सामना करावा लागतो. त्यामुळे पर्सनल आणि प्रोफेशनल लाईफमध्ये समतोल राखावा असे म्हणतात. कामाच्या ठिकाणी Stess म्हणजेच ताण ही आजकाल एक सामान्य समस्या बनली आहे. यावर उपाय म्हणून तुम्हाला तुमच्या जीवनशैलीत काही बदल करून ऑफिसचा ताण कमी करता येऊ शकतो. वेळेच्या व्यवस्थापनासोबत आरोग्याकडे लक्ष दिल्यास तणाव टाळता येईल.
दैनंदिन जीवनात अनेक गोष्टींचा सामना
कार्यालयात उशिरा येण्याबद्दल फटकारण्यापासून ते वेळेवर काम पूर्ण न केल्याबद्दल फटकारण्यापर्यंत. दैनंदिन जीवनात जवळपास प्रत्येकाला ऑफिसमध्ये विविध गोष्टींचा सामना करावा लागतो. अनेकजण या गोष्टींना धैर्याने सामोरे जातात, तर अनेकांना ऑफिसच्या समस्यांमुळे तणाव येऊ लागतो. कामाच्या ठिकाणचा ताण तुमच्या वैयक्तिक जीवनावरही परिणाम करू शकतो. हे मानसिक आरोग्यासाठी देखील हानिकारक असू शकते आणि तुमच्या कार्यालयीन कार्यक्षमतेत देखील बदल करू शकते. कार्यालयीन तणाव टाळण्यासाठी, लोकांनी सक्षम राहणे फार महत्वाचे आहे. दैनंदिन जीवनात काही उपायांचा अवलंब करून तुम्ही हा ताण कमी करू शकता आणि तुमचे जीवन चांगले बनवू शकता. कामाच्या ठिकाणचा ताण कमी करण्याच्या उपायांबद्दल जाणून घेऊया.
अशा प्रकारे कामाच्या ठिकाणचा ताण कमी करा
वेळेचे व्यवस्थापन महत्त्वाचे आहे, ज्याला आपण टाईम मॅनेजमेंट म्हणतो.
प्राधान्य - सर्वात महत्त्वाची कामे आधी आणि कमी महत्त्वाची कामे नंतर करा.
कामांची यादी तयार करा - दैनंदिन कामांची यादी बनवा आणि ती पूर्ण करण्यासाठी वेळ सेट करा.
ब्रेक घ्या - दर तासाला काही मिनिटांचा ब्रेक घ्या. हे तुम्हाला ताजेतवाने आणि उर्जेने परिपूर्ण ठेवेल.
नियमितपणे व्यायाम करा - दररोज किमान 30 मिनिटे व्यायाम करा. योगासने, ध्यानधारणा किंवा जिममध्ये जाणे फायदेशीर ठरू शकते.
सकस आहार घ्या - संतुलित आणि पौष्टिक आहार घ्या. ताजी फळे, भाज्या आणि प्रथिनेयुक्त अन्न खाल्ल्याने ऊर्जा मिळते.
पुरेशी झोप घ्या - चांगली झोप घ्या. तुमच्या शारीरिक आणि मानसिक आरोग्यासाठी ७-८ तासांची झोप आवश्यक आहे.
सकारात्मक विचार करत राहा - नियमित ध्यान केल्याने मन शांत राहण्यास मदत होते.
स्वत:चे कौतुक करा - तुमच्या छोट्या कामगिरीचे कौतुक करा आणि स्वतःला प्रेरित ठेवा.
हेही वाचा>>>
Health : मंडळींनो.. सतत हॉटेलचं खाणं चांगलच पडेल महागात! आतड्यांवरील परिणाम जाणून घ्याल, तर आताच सोडाल
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)