Health : पुन्हा नवं संकट? आफ्रिकन देशांमध्ये Mpox आजाराचा कहर, WHO चा इशारा, 'ही' लक्षणं तुम्हाला तर नाही ना?

Health : या आजारामुळे रुग्णांची वाढती संख्या पाहता WHO ने यावर चिंता व्यक्त केलीय. तसेच याला आंतरराष्ट्रीय आरोग्य आणीबाणी घोषित करण्याचाही विचार करत असल्याचं समजतंय

Health lifestyle marathi news Mpox disease ravages African countries

Source : Google

Health : आधी कोरोना महामारीने अवघ्या जगात कहर माजवला होता. ज्यामुळे संपूर्ण जगच थांबलं होतं. या आजारातून सुटका होते, तोच आता आणखी एका आजाराने आफ्रिकन देशांमध्ये कहर माजवलाय. युगांडा आणि केनियासह अनेक आफ्रिकन देशांमध्ये आजकाल Mpox या आजाराचा प्रादुर्भाव दिसून येत आहे.  Mpox (Monkeypox virus Symptoms) आजारामुळे रुग्णांची वाढती संख्या पाहता जागतिक आरोग्य संघटनेने (WHO) यावर चिंता व्यक्त केली आहे. या आजाराला आंतरराष्ट्रीय आरोग्य आणीबाणी घोषित करण्याचाही WHO विचार करत असल्याचं समजत आहे. या आजाराची लक्षणं काय? या आजारापासून बचाव कसा करायचा? यासंबंधीची माहिती जाणून घ्या

WHO कडून चिंता व्यक्त, आंतरराष्ट्रीय आरोग्य आणीबाणी घोषित होणार?

सायन्स या शैक्षणिक जर्नलने आफ्रिकन देशांमध्ये या विषाणूच्या प्रसाराबाबत चेतावणी दिली आहे. या विषाणूचा रुग्ण प्रथम काँगो (DRC) येथे नोंदवला गेला, त्यानंतर Mpox विषाणू हा युगांडा आणि केनियामध्ये पसरला. अशात आता संपूर्ण आफ्रिका खंडात Mpox पसरण्याची भीती आहे. अशा स्थितीत जागतिक आरोग्य संघटनेने (WHO) त्याचा उद्रेक पाहता मोठ्या संकटाबाबत चिंता व्यक्त केली आहे. तर सध्याची परिस्थिती लक्षात घेता WHO याला आंतरराष्ट्रीय आरोग्य आणीबाणी घोषित करण्याची शक्यता आहे. यासंदर्भातील एका पोस्टमध्ये डब्ल्यूएचओचे महासंचालक टेड्रोस अधानोम गेब्रेयसस म्हणाले की, या संदर्भात ते आंतरराष्ट्रीय आरोग्य नियमन आपत्कालीन समिती स्थापन करण्याचा विचार करत आहेत, जी आरोग्य आणीबाणी घोषित करायची आहे की नाही हे ठरवेल. जाणून घ्या आजाराशी संबंधित सर्व महत्त्वाच्या गोष्टी

MPOX म्हणजे काय?

क्लीव्हलँड क्लिनिकच्या मते, Mpox, पूर्वी मंकीपॉक्स म्हणून ओळखला जात होता, हा एक दुर्मिळ आजार आहे जो कांजण्या सारखाच आहे. हा आजार विषाणूंमुळे पसरतो आणि बहुतेक आफ्रिकन भागात आढळतो. त्याचे रुग्ण जगाच्या इतर भागांमध्ये देखील दिसतात. MPOX साठी कोणताही विशिष्ट उपचार नाही, परंतु तो सहसा स्वतःच बरा देखील होतो.

MPOX ची लक्षणं काय आहेत?

या विषाणूचा संसर्ग झाल्यानंतर त्याची लक्षणे दिसायला काही दिवस ते काही आठवडे लागू शकतात. 

पुरळ
ताप
थकवा
डोकेदुखी
थंडी जाणवणे
स्नायू दुखणे
याशिवाय, या आजारामध्ये सपाट, लाल ठिपके या स्वरूपात पुरळ उठणे देखील दिसू शकते, जे वेदनादायक असू शकते. हे पुरळ नंतर पू ने भरलेल्या फोडांमध्ये बदलतात. काही काळानंतर हे फोड खरुज बनतात आणि पडतात. या संपूर्ण प्रक्रियेला दोन ते चार आठवडे लागू शकतात. याशिवाय तुमच्या तोंडावर, चेहरा, हात, पाय, लिंग, योनी किंवा गुदद्वारावरही जखमा असू शकतात.

व्हायरस कसा पसरतो?

WHO च्या मते, Mpox एका व्यक्तीकडून दुसऱ्या व्यक्तीमध्ये अनेक प्रकारे पसरू शकतो. व्हायरस संक्रमित त्वचा, तोंड किंवा जननेंद्रियाव्दारे थेट संपर्काद्वारे पसरू शकतो. त्याच्या प्रसाराच्या इतर मार्गांमध्ये पुढील गोष्टींचा समावेश होतो-

समोरासमोर बोलणे किंवा श्वास घेणे
त्वचेचा संपर्क
मौखिक लैंगिक संबध
ओठांवर किंवा त्वचेवर चुंबन घेणे
श्वसातून
याशिवाय, श्वसनमार्गाच्या संपर्कात येऊन शरीरात प्रवेश करू शकतो. तसेच, एकापेक्षा जास्त लैंगिक संबंध असल्यास त्याचा प्रसार होण्याचा धोका वाढतो.

 

MPOX टाळण्यासाठी काय करावे?

mpox ग्रस्त बहुतेक लोक 2-4 आठवड्यांत बरे होतात. या आजाराच्या लक्षणांपासून आराम मिळण्यासाठी आणि इतरांना संसर्ग होण्यापासून रोखण्यासाठी खालील गोष्टी केल्या पाहिजेत.

जोपर्यंत शक्य असेल तोपर्यंत घरी आणि तुमच्या खोलीत रहा.
साबण आणि पाण्याने किंवा हँड सॅनिटायझरने वारंवार हात स्वच्छ करा.
पुरळ बरे होईपर्यंत मास्क घाला आणि इतर लोकांच्या आसपास असताना पुरळ झाकून ठेवा.
जर तुम्ही एकटे असाल तर त्वचा कोरडी आणि ती उघडी ठेवा.
इतर कोणाच्या संपर्कात आलेल्या गोष्टींना स्पर्श करणे टाळा.
तोंडाच्या फोडांपासून आराम मिळवण्यासाठी मिठाच्या पाण्याचा वापर करा.
शरीराच्या जखमांसाठी, बेकिंग सोडा किंवा गरम शॉवर घ्या.

 

हेही वाचा>>>

 

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )