Health Care Tips: वजन वाढवण्यासाठी 'या' सुक्या मेव्याचा करा आहारात समावेश

वजन वाढवण्यासाठी सुका मेवा मदत करतो. कोणते ड्राय फ्रूट्स वजन वाढवायला मदत करतात जाणून घ्या.

पिस्ता

Weight Gain Tips : लोक वजन कमी करण्यासाठी तासनतास मेहनत घेत असताना, काही लोक इच्छा असूनही वजन वाढवू शकत नाहीत. शरीराला पोष्टिक आहार न मिळाल्यामुळे अनेकदा वजन न वाढण्याची समस्या भेडसावत असते. सुक्या मेव्यामध्ये असलेले पोटॅशियम, मॅग्नेशियम, चरबी आणि प्रथिने यांसारखे पोषक घटक वजन वाढवण्यासाठी उपयुक्त आहेत. 

शेंगदाणे - शेंगदाण्यात फॅट आणि कॅलरी असते. त्यामुळे ते वजन वाढण्यास मदत करतात. वेगवेगळ्या पदार्थांमध्ये शेंगदाणे टाकून खाता येऊ शकतात. शेंगदाणे गरजेपेक्षा जास्त वजन वाढू देत नाहीत. 

मनुका - शरीरातील आवश्यक कॅलरीज पूर्ण करण्यासाठी मनुका फायदेशीर मानला जातो. तांबे, मॅंगनीज, मॅग्नेशियम आणि जीवनसत्त्वे मनुकामध्ये मुबलक प्रमाणात आढळतात. त्यामुळे वजन वाढवण्यासाठी मनुके फायदेशीर असतात. 

बदाम - वजन वाढवण्यासाठी बदाम खायला हवे. बदामामध्ये भरपूर प्रमाणात कॅलरीज, प्रोटीन, फायबर आणि फॅट असल्यामुळे वजन अगदी सहज वाढू शकते.

पिस्ता - पिस्त्यामध्ये फॅट आणि कॅलरीज जास्त प्रमाणात आढळतात. वजन वाढवण्यासाठी दररोज पिस्त्याचे सेवन करणे फायदेशीर ठरते.

वजन वाढवण्यासाठीचे डाएट  ( Weight Gain Diet) 

केळी  (Banana)- वजन वाढवण्यासाठी डाएटमध्ये केळीचा समावेश करा. वजन वाढवण्यासाठी तुम्हाला 3-4 केळी रोज खाव्या लागतील. केळीमध्ये पोषक तत्त्वे असतात.  1 वाटी दही किंवा दूधासोबत  केळी खा. यामुळे तुमचे वजन झटपट वाढेल. 

दूध आणि मध (Milk and Honey)- रोज मध खाल्याने वजन वाढते. दूधामध्ये एक चमचा मध टाकून प्यावे. सकाळी नाश्ता केल्यानंतर आणि रात्री झोपण्याआधी मध टाकलेले दूध प्यावे. यामुळे तुमची पचन शक्ती वाढेल आणि वजन देखील वाढण्यास मदत होईल.

सोयाबीन (Soybean)- सोयाबीनची भाजी, उकडलेले सोयाबीन किंवा सोयाबीनचा भात हे पदार्थ खाल्याने वजन वाढते. सोयाबीन शरीराला मजबूत करते. 

 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha