(Source: ECI/ABP News)
Health Tips : सावधान! तुम्हीही डिस्पोजेबल कपमध्ये चहा, कॉफी पित असाल तर वेळीच सावध व्हा; 'या' आजारांचा वाढता धोका
Disposable Cup And Cancer : डिस्पोजेबल कपमध्ये चहा आणि कोणतीही गरम वस्तू पिणे आरोग्याला खूप नुकसान पोहोचवू शकते.
Disposable Cup And Cancer : आजकाल जीवनशैलीच्या सगळ्या पद्धती बदलत चालल्या आहेत. प्रत्येक गोष्टीत, वस्तूत बदल होत चालला आहे. आता डिस्पोजेबल कपांनी स्टील किंवा काचेचे ग्लास किंवा भांडी यांची जागा घेतली आहे. तुम्ही कुठेही जा अगदी रस्त्यावरच्या दुकानापासून ते मोठ्या हॉटेलपर्यंत आजकाल सगळीकडे हे डिस्पोजेबल कप सगळीकडे वापरले जातात. पाणी, चहा, कॉफी किंवा इतर कोणत्याही पेयासाठी डिस्पोजेबल कपचा वापर अगदी सहज केला जातो. पण तुम्हाला माहित आहे का की डिस्पोजेबल कप आरोग्यावर परिणाम करू शकतात. याच्या अति सेवनाने कोणता धोका होऊ शकतो? या संदर्भात अधिक माहिती जाणून घेऊयात.
डिस्पोजेबल कपमुळे कर्करोग होऊ शकतो का?
प्लास्टिक आणि रसायनांचा वापर करून डिस्पोजेबल कप तयार केले जातात, असे डॉक्टरांचे म्हणणे आहे. जर तुम्ही दीर्घकाळ या कपचा वापर करत असाल तर कर्करोग होऊ शकतो. डॉक्टरांनी सांगितले की, डिस्पोजेबल कपमध्ये बिस्फेनॉल आणि बीपीए सारखी रसायने आढळतात. ही अत्यंत घातक रसायने आहेत. या कपमध्ये चहा किंवा गरम पाणी प्यायल्यास त्यातील रसायने त्यामध्ये विरघळतात आणि ही रसायने पोटात पोहोचतात, ज्यामुळे कर्करोगाचा धोका होऊ शकतो.
डिस्पोजेबल कपमुळे थायरॉईड आजाराचा धोका
डॉक्टरांच्या म्हणण्यानुसार, डिस्पोजेबल कप बनवण्यासाठी केवळ रसायनांचा वापर केला जात नाही, तर मायक्रोप्लास्टिकचाही वापर केला जातो. त्यामुळे थायरॉईडसारखे धोकादायक आजार होऊ शकतात. त्यांचा दीर्घकाळ वापर केल्याने देखील कर्करोग होऊ शकतो. अल्कोहोल किंवा धूम्रपान करणाऱ्यांमध्ये डिस्पोजेबल कप वापरल्याने कर्करोगाचा धोका खूप लवकर वाढू शकतो. म्हणूनच डिस्पोजेबल कपचा वापर टाळण्याचा प्रयत्न केला पाहिजे.
डिस्पोजेबल कपसाठी पर्याय
चहा, कॉफी किंवा पाणी पिण्यासाठी प्लास्टिक किंवा कागदाचा वापर टाळावा, असे डॉक्टर सांगतात. याऐवजी स्टीलचे भांडे किंवा कुल्हडचा कप वापरावे. कुल्हडच्या कपात चहा पिण्याचे अनेक फायदे आहेत. त्यामुळे कागद आणि प्लास्टिकचा वापरही कमी होतो. मातीच्या कुल्हडमध्ये असे अनेक घटक आढळतात, जे हाडांसाठी फायदेशीर असतात. म्हणूनच डिस्पोजेबल कपांऐवजी तुम्ही कुल्हड किंवा स्टीलचे भांडे वापरू शकता.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्वाच्या बातम्या :
महत्त्वाच्या बातम्या
