तुषार घाडीगावकरने आयुष्य संपवलं, कलाकारांच्या आर्थिक अडचणींवर विशाखा सुभेदारांची पोस्ट व्हायरल

Vishakha Subhedar on Tushar Ghadigaonkar : मराठी अभिनेता तुषार घाडीगावकर याने मुंबईतील गोरेगाव येथे राहत्या घरी गळफास घेऊन आयुष्य संपवले होते.

Vishaka Subhedar on Tushar Ghadigaonkar

Source : ABPLIVE AI

Vishakha Subhedar on Tushar Ghadigaonkar : मराठी कलाकार आणि अभिनेता तुषार घाडीगावकर याने शुक्रवारी (दि.22) राहत्या घरात गळफास घेऊन आत्महत्या केली. त्यानंतर तुषारने आत्महत्या का केली? यावरुन सोशल मीडियावर उलटसुलट चर्चा सुरु आहेत. कोणी तुषारने आर्थिक अडचणींमुळे आत्महत्या केल्याचं म्हणत आहे, तर कोणी कौटुंबिक वादातून त्याने टोकाचं पाऊल उचलल्याची चर्चा सुरु आहे. दरम्यान, तुषारने आयुष्य संपवल्यानंतर सिनेक्षेत्रातील अनेक कलाकारांनी दु:ख व्यक्त केलं आहे. बऱ्याच कलाकारांनी त्यांच्या पोस्टमधून तुषारकडे कामाची कमी नसल्याचं नमूद केलं. त्याला कामे मिळत होती, त्याने आयुष्य संपवण्याची कारणे वेगळी असल्याचंही बोललं जात आहे. दरम्यान, तुषारने आत्महत्या केल्यानंतर अभिनेत्री विशाखा सुभेदार यांनी कलाकारांच्या आर्थिक अडचणींवर फेसबुक पोस्ट केली आहे. विशाखा सुभेदार काय काय म्हटल्या? जाणून घेऊयात.. 

विशाखा सुभेदार यांची पोस्ट जशीच्या तशी.. 

रंगभूमी बळ देते.. असं म्हणता म्हणता.. वाईट बातमी.. Tushar Ghadigaonkar  ह्या रंगकर्मीची..! खरंतर माझा मुलगा आणि हा एकाच कॉलेज चे.. अभिनय कडून अनेकदा त्याच नाव ऐकलेले... भेटले ही होते, काम नव्हतं केलं... पण भयानक वाईट घडले..हिच जी phase येते त्या वेळीस बोलायला हव, मार्ग निघतो.. (एडिट करतेय ) मंडळी क्षमस्व.. माहिती जी मला मिळाली ती अर्थिक अडचण अशी होती पण ते कारण नाहीय हे आत्ताच एक निकटवर्तीय मित्राने सांगितले.

त्या बद्दल मित्रां🙏🙏🙏 माफ कर मला..!  तू ज्या परिस्थितीत हे पाऊल उचललं ते... वाईट झालं. सांगो वांगी जे कानावर पडल त्यामुळे share कराव वाटलं. पण तरीही माझा मुद्दा खोडवा असं वाटत नाहीय.. कलाकारांना अर्थिक अडचण आल्यानंतर काही मदत मिळावी ह्यासाठी फंड करावा असं खुप वाटतं.. नंतर ते पॆसे कमवून त्यांनी फेडावे..! सोसायटी मधून कसं लोन घेता येतं अगदी तसंच काहीसं कलाकार फंड करावा... त्याची काहीतरी सिस्टिम असावी.. परतफेडीचे नियम नियोजन असावे. काहीतरी मार्ग असावा..!

रंगमंच कामगार संघटना आहे, जुनियर artist साठी त्यांची संघटना आहे.. संघटन फक्त त्याच्या वरच्या फळीतल्या कलाकारांच  होत नाही.कारणं माहित नाही..! मदत करतात ही काही मित्र मैत्रिणी पण नंतर ते ही पाठ फिरवतात.त्याला दोषी ही काही कलाकार आहेतच जे पॆसे घेऊन गूल होतात..त्याच पैशांची दारू पितात. अनेकांनी अनुभवलं असेलच हे.. फार दुष्ट चक्र आहे हे..पण तरीही..काहीतरी मार्ग काढायला हवा..!  ताकद, बळ, द्यायला हवं.

 हातात  कामं नसताना पोटाची खळगी, कामाची भूक आणि नकारत्मक विचारांशी लढणं फार अवघड होऊन जात.. आमचं फिल्ड बेभरवशाच.. त्यामुळे ही phase प्रत्येकाला फेस करावीच लागते..साहित्य,नाट्य, संमेलनसाठी दिला जातो त्यातुनच एक छोटासा भाग कलाकार निधी असं काही करता येईल का?? किंवा जसं नाटक सिनेमा जगावा म्हणून अनुदान असतं तस कलाकार जगावा,(प्रामाणिक पणा पडताळून घ्यावा हव तर) तर त्यासाठी वरदान/ जीवदान .. असं काही स्कीम करता येईल का?? एक भाबडा विचार..! 

त्याला ही अनेक फाटे फुटतील च.. पण  आत्महत्येच्या विचाराला तरी फाटा देता येईल. पटतंय का कलाकार मित्र मैत्रिणी नों..???? ही वेळ कोणावरही येऊ शकते..पटत असेल तर चला काहीतरी मार्ग काढूया. स्वतःचा संसार चालवण हे ज्याच्या त्याच कामं आहे पण टेकू तर देऊच शकतो त्यासाठी काहीतरी स्कीम,प्रॉव्हिजन बांधू शकतो का आपण???

इतर महत्त्वाच्या बातम्या