'लग्नानंतर होईलच प्रेम'फेम अभिनेत्रीच्या साखरपुड्याचे फोटो पाहिलेत? होणारा नवरा कोण, काय करतो?

' ठरलं ..कळवतो लवकरच !' अशी पोस्ट करत तिने लग्न ठरल्याची बातमी चाहत्यांना दिली आहे.

Dyanada Ramtirthakar

लग्नानंतर होईलच प्रेम या मालिकेत काव्याची भूमिका साकारणारी लोकप्रिय अभिनेत्री ज्ञानदा रामतीर्थकर हिचा आज साखरपुडा झालाय.

नुकतीच तिने लग्न ठरल्याची खबर आपल्या चाहत्यांना एका खास पोस्टमधून दिली होती.

तिचा होणाऱ्या नवरा कोण याविषयी चाहत्यांना मोठी उत्सुकता लागून होती. #HD असा हॅशटॅग वापरत तिने चाहत्यांची उत्सुकता ताणली होती.

तिच्या साक्षीगंध समारंभाचे फोटो आणि व्हिडिओ सोशल मीडियावर व्हायरल होत आहेत. या समारंभातील काही खास क्षण तिने आपल्या सोशल मीडियावरही शेअर केले आहेत.

ज्ञानदाच्या होणाऱ्या नवऱ्याचे नाव हर्षद आत्माराम असे आहे. हर्षद हा एक उत्तम सिनेमेटग्राफर DOP आहे.

त्याने झॉलिवूड, देऊळ, पोस्टकार्ड हे चित्रपट शूट केले आहेत. तसेच जय जय महाराष्ट्र माझा हा शोही शूट केलाय.हर्षदने 'उर्वरित' हा अवॉर्ड विनिंग लघुपटही केलाय . या लघुपट्याला अनेक नामांकन मिळाली आहेत.

ज्ञानदा तीर्थकर ही सुद्धा अतिशय गुणी अभिनेत्री आहे. ठिपक्यांची रांगोळी या मालिकेतून प्रेक्षकांच्या मनात राहिलेली ही अभिनेत्री सध्या लग्नानंतर होईलच प्रेम या मालिकेत काव्य हे पात्र साकारत आहे.