Jawan : शाहरुखच्या जवानमध्ये विजय सेतुपतीची एन्ट्री; या साऊथ अभिनेत्याला केलं रिप्लेस
जवान (Jawan) या चित्रपटाचा टीझर हा 3 एप्रिल रोजी रिलीज झाला होते.
Jawan : बॉलिवूडमधील बादशाह अशी ओळख असणारा शाहरुख खान (Shahrukh Khan) सध्या त्याच्या आगामी चित्रपटांमुळे चर्चेत असतो. शाहरुख हा चार वर्षानंतर अभिनय क्षेत्रात कमबॅक करणार आहे. लवकरच त्याचा जवान (Jawan) हा चित्रपट प्रेक्षकांच्या भेटीस येणार आहे. जवान या चित्रपटाचा टीझर हा 3 एप्रिल रोजी रिलीज झाला. टीझरमधील शाहरुखच्या लूकनं अनेकांचे लक्ष वेधले. आता जवान चित्रपटामध्ये शाहरुखसोबत साऊथचे काही प्रसिद्ध अभिनेते काम करणार आहेत. एका साऊथ स्टारनं दुसऱ्या साऊथ स्टारला या चित्रपटात रिप्लेस केलं आहे.
राणा दग्गुबातीला विजय सेतुपतीनं केलं रिप्लेस
तमिळ दिग्दर्शित जवान या चित्रपटामध्ये शाहरुखसोबतच दीपिका पादुकोण, नयनतारा, सान्या मल्होत्रा आणि सुनील ग्रोवर हे कलाकार प्रमुख भूमिका साकारणार आहेत. रिपोर्टनुसार, आता या चित्रपटामध्ये प्रसिद्ध अभिनेता विजय सेतुपती एन्ट्री करणार आहे. विजय या चित्रपटात बाहुबली चित्रपटातील प्रसिद्ध अभिनेता राणा दग्गुबातीला रिप्लेस करणार आहे. रिपोर्टनुसार, चित्रपट निर्मात्यांनी राणाला या चित्रपटासाठी संपर्क केला होता पण त्याच्या डेट्स मिळाल्या नसल्यानं राणा या चित्रपटामध्ये काम करु शकला नाही.
'पुष्पा द रुल' मध्ये विजय साकारणार खलनायकाची भूमिका
रिपोर्टनुसार जवान या चित्रपटामध्ये विजय सेतुपती हा खलनायकाची भूमिकी साकारणा आहे. तसेच अल्लू अर्जुनच्या 'पुष्पा द रुल' या चित्रपटामध्ये देखील खलनायकाची भूमिका साकारणार आहे. काही दिवसांपूर्वी रिलीज झालेल्या कमल हसन यांच्या विक्रम या चित्रपटामध्ये देखील विजयनं काम केले.
जवानच्या टीझरला मिळाली प्रेक्षकांची पसंती
सोशल मीडियवर शाहरुखनं जवान चित्रपटाचा टीझर शेअर केला होता. टीझर शेअर करुन शाहरुखने कॅप्शनमध्ये लिहिले होते, “2023 असणार अॅक्शन पॅक! 2 जून 2023 रोजी तुमचे मनोरंजन करण्यासाठी 'जवान' चित्रपट रिलीज होतो.' एक मिनिट 30 सेकंदाच्या या टीझरमध्ये , शाहरुख त्याच्या डोक्यावर आणि हातावर पट्टी बांधलेला, हातात मशीन गन धरुन एका गुप्त ठिकाणी बसलेला दिसत आहे. त्याचा हा लूक पाहून त्याचे चाहते थक्क झाले.
हेही वाचा:
महत्त्वाच्या बातम्या
