Dunki : शाहरुखच्या 'डंकी'मध्ये तापसीची तापसीची वर्णी कशी लागली?; अभिनेत्रीनं सांगितला किस्सा
एका मुलाखतीमध्ये तापसीनं शाहरुखसोबत काम करण्याबाबत आणि तिच्या या चित्रपटाच्या कास्टिंगबाबत सांगितलं.
Taapsee Pannu With Shahrukh Khan : बॉलिवूडमधील प्रसिद्ध अभिनेता अभिनेता शाहरुख खानच्या (Shahrukh Khan) आगामी चित्रफटांची वाट प्रेक्षक उत्सुकतेने बघत आहेत. पाठाण, डंकी आणि जवान हे शाहरुखचे चित्रपट लवकरच प्रेक्षकांच्या भेटीस येणार आहेत. काही दिवसांपूर्वी डंकी या चित्रपटाची शहारुखनं घोषणा केली होती. या चित्रपटामध्ये शाहरुखसोबत अभिनेत्री तापसी पन्नू (Taapsee Pannu) ही प्रमुख भूमिका साकारणार आहे. एका मुलाखतीमध्ये तापसीनं शाहरुखसोबत काम करण्याबाबत आणि तिच्या या चित्रपटाच्या कास्टिंगबाबत सांगितलं.
तापसी ही पहिल्यांदाच शाहरुखसोबत काम करणार आहे. त्यामुळे तापसी एक्सायटेड आहे. एका मुलाखतीमध्ये तापसीनं सांगितलं, 'मला या गोष्टीचा आनंद होत आहे की, कोणाच्याही ओळखीशिवाय माझं कास्टिंग या चित्रपटामध्ये झालं. चित्रपट निर्मात्यांना माझं काम आवडलं म्हणून त्यांनी मला या चित्रपटात काम करण्याची संधी दिली. ' पुढे तापसी म्हणाली, 'मी बालपणापासून शाहरुखचे चित्रफट पाहिले आहेत. शाहरुखच्या शेजारी थांबून एकाच फ्रेममध्ये काम करणं हे माझ्यासाठी एखाद्या स्वप्नासारखं आहे. मी काम करताना काही गडबड होणार नाही याकडे लक्ष देणार आहे. '
मुलाखतीमध्ये तापसीनं सांगितलं की,'चित्रपटाच्या शूटिंगचं पहिलं शेड्यूल पूर्ण झालं आहे. चित्रपटाचे आर्ध्यापेक्षा जास्त शूटिंग पूर्ण झालं आहे.' डंकी या चित्रपटाचे दिग्दर्शन राजकुमार हिरानी यांनी केलं आहे. राजकुमार हिरानी यांच्या 'मुन्नाभाई एमबीबीएस' आणि '3 इडियट्स' या चित्रपटाला प्रेक्षकांची पसंती मिळाली. त्यांचा डंकी हा चित्रपट डिसेंबर 2023 मध्ये रिलीज होणार आहे.
शाहरुखचे आगामी चित्रपट
शाहरुखचा 'पठाण' सिनेमा लवकरच प्रेक्षकांच्या भेटीला येणार आहे. सिद्धार्थ आनंद यांनी या सिनेमाचे दिग्दर्शन केले आहे. या सिनेमात दीपिका पदुकोण आणि जॉन अब्राहम मुख्य भूमिकेत आहेत. तसेच शाहरुखचा जवान हा चित्रपट 2 जून 2023 रोजी प्रेक्षकांच्या भेटीस येणार आहे.
हेही वाचा:
महत्त्वाच्या बातम्या
