Beast : बीस्ट मधील 'या' सीनमुळे विजय थलापती ट्रोल; नेटकरी म्हणाले, 'लॉजिक कुठंय?'

बीस्ट चित्रपटमधील एका सीनचा व्हिडीओ शेअर करुन नेटकऱ्यानं  विजय थलापतीला ट्रोल केलं आहे.

Vijay,Beast

Beast : दाक्षिणात्य अभिनेता विजय थलापती (Thalapathy Vijay) आणि अभिनेत्री पूजा हेगडेचा (Pooja Hegde) बीस्ट (Beast) हा चित्रपट काही दिवसांपूर्वी प्रदर्शित झाला. केजीएफ-2 या चित्रपटासोबत बीस्ट चित्रपटाची बॉक्स ऑफिसवर टक्कर झाली. अनेक वेळा दाक्षिणात्य चित्रपटामध्ये काही असे अॅक्शन सीन दाखवले जातात ज्यामुळे नेटकरी या चित्रपटांमधील कलाकारांना ट्रोल करतात. असाच एक सीन बीस्ट चित्रपटमध्ये दाखवण्यात आला आहे. या सीनचा व्हिडीओ शेअर करुन एका नेटकऱ्यानं विजय थलापतीला ट्रोल केलं आहे.   

एका नेटकऱ्यानं बीस्ट चित्रपटातील एक सीन ट्विटरवर  शेअर केला आहे. या सीनमध्ये विजय थलापती हा  फायटर जेट उडवताना दिसत आहे. हा व्हिडीओ शेअर करुन त्या नेटकऱ्यानं कॅप्शनमध्ये लिहिलं, 'मला याबाबत बरेच प्रश्न विचारायचे आहेत.' भारतीय हवाई दलातून निवृत्त झालेले ग्रुप कॅप्टन शिवरामन साजन यांनी या ट्वीटला रिप्लाय करुन प्रश्न विचारला की, हे नक्की काय आहे? हे पाहून माझं डोकं सुन्न झालं आहे. मी यापुढे काही विचार करु शकत नाही. यामध्ये काहीही लॉजिक नाही. '

 

बीस्ट चित्रपटाचे दिग्दर्शक नेल्सन दिलीप कुमार यांनी केलं आहे. हा चित्रपट 13 एप्रिल रोजी रिलीज झाला होता.  विजय थलापतीनं रॉ एजंटची भूमिका साकारली आहे. या चित्रपटानं 200 कोटींची कमाई केली आहे. थलापती विजयच्या वडिलांना देखील हा चित्रपट फारसा आवडला नाही. विजय थलापतीचे वडील एस. ए. चंद्रशेखर हे चित्रपट निर्माते आहेत. त्यांनी बीस्ट चित्रपटाचे दिग्दर्शक नेल्सन दिलीप कुमार यांच्या कामाला नापसंती दर्शवली होती. त्यांनी या चित्रपटाच्या दिग्दर्शकाबद्दल सांगितलं की,'दिग्दर्कानं गंभीर विषयावर आधारित असलेल्या चित्रपटाची निर्मीती करतना पूर्ण रिसर्च करावा.'  

रिपोर्टनुसार, अभिनेते रजनीकांत यांनी देखील हा चित्रपट पाहिला पण त्यांना नेल्सनचे दिग्दर्शन आवडले नाही. नेल्सन हा रजनीकांत यांच्या Thalaivar 169 या चित्रपटाचं दिग्दर्शन करणार होता. पण रिपोर्टनुसार, आता रजनीकांत यांच्या या चित्रपटाचं दिग्दर्शन दुसरा दिग्दर्शक करणार आहे. 

हेही वाचा :