Dhak Dhak Poster : कुणी बुरखा तर, कुणी परिधान केलाय पंजाबी ड्रेस! बाईकवर स्वार होऊन लडाख राईडला निघाल्या बॉलिवूडच्या स्टार्स!

Dhak Dhak Movie Update : तापसीचे प्रोडक्शन हाऊस आणि Viacom18 Studios संयुक्तपणे 'धक धक' (Dhak Dhak)  हा नवीन चित्रपट प्रेक्षकांच्या भेटीला घेऊन येणार आहेत. या चित्रपटाचा फर्स्ट लुक नुकताच समोर आला आहे.

Dhak Dhak

Dhak Dhak Movie Update : बॉलिवूड अभिनेत्री तापसी पन्नू (Taapsee Pannu) तिच्या चाहत्यांसाठी आता एका नवा प्रोजेक्ट घेऊन येत आहे. तापसीचे प्रोडक्शन हाऊस आणि Viacom18 Studios संयुक्तपणे 'धक धक' (Dhak Dhak)  हा नवीन चित्रपट प्रेक्षकांच्या भेटीला घेऊन येणार आहेत. या चित्रपटाचा फर्स्ट लुक नुकताच समोर आला आहे, जो खूपच जबरदस्त आहे. या चित्रपटामध्ये अभिनेत्री रत्ना पाठक-शाह (Ratna Pathak-Shah), फातिमा सना शेख (Fatima Sana Shaikh), दिया मिर्झा (Dia Mirza) आणि संजना संघी (Sanjana Sanghi) महत्त्वाच्या भूमिकेत दिसणार आहेत.

तरुण दुडेजा दिग्दर्शित 'धक धक' चित्रपटाचे पोस्टर सध्या सोशल मीडियावर व्हायरल होत आहे. यामध्ये अभिनेत्री  रत्ना पाठक शाह, दिया मिर्झा, संजना संघी आणि फातिमा सना शेख बाईकवर स्वार होऊन कुठेतरी जाताना दिसत आहेत. हा चित्रपट चार स्त्रियांची कथा सांगणारा आहे, ज्या त्या त्यांच्या कम्फर्ट झोनमधून बाहेर पडतात आणि स्वतःच्या शोधात एका प्रवासाला लागतात. अभिनेत्रींची ही रोड ट्रिप साहसी असणार आहे.

पाहा पोस्टर :

दिया मिर्झाने तिच्या इंस्टाग्रामवर पोस्टर शेअर केले आहे, ज्याच्या कॅप्शनमध्ये तिने लिहिले की, ‘या नवीन प्रवासाबद्दल खूप उत्सुक आहे.’ यावर नेहा धुपियाने कमेंटमध्ये लिहिले, ‘ऑल द बेस्ट’. अभिनेत्री सोफी चौधरी हिने देखील यावर खास कमेंट केली आहे. त्याच वेळी, Viacom18 ने आपल्या इंस्टाग्राम पोस्टवर चित्रपटाचे पोस्टर शेअर केले आहे, ज्यामध्ये तापसी पन्नू देखील दिसत आहे. हा चित्रपट पुढच्या वर्षी म्हणजेच 2023मध्ये रिलीज होणार आहे.

तापसीचा दुसरा चित्रपट!

निर्माता म्हणून तापसीचा हा दुसरा होम प्रोडक्शन चित्रपट आहे. याआधी तिच्या प्रॉडक्शन कंपनी अंतर्गत ‘ब्लर’ हा एक हॉरर-थ्रिलर चित्रपट प्रदर्शित केला जाणार आहे. अजय बहल दिग्दर्शित हा चित्रपट ‘ज्युलियाज आईज’ या स्पॅनिश चित्रपटाचा अधिकृत रिमेक आहे. चित्रपटाची रिलीज डेट अजून जाहीर झालेली नाही. आता नवा चित्रपट ‘धक धक’बद्दल बोलताना तापसी म्हणाली की, आऊटसाइडर्स फिल्म्सच्या बॅनरखाली आम्ही अर्थपूर्ण आणि मनोरंजक चित्रपटांची निर्मिती करत आहोत. आम्ही प्रेक्षकांना असा एक सिनेमॅटिक अनुभव देऊ इच्छितो, जो त्यांनी याआधी कधीच पाहिला नसेल.

हेही वाचा :