तब्बल 13 वर्षांनंतर अभिजीत सावंतचा प्लेबॅक सिंगर म्हणून कमबॅक; ‘सर सुखाची श्रावणी’नंतर 'हे' खास गाणं रिलीज

हे गाणं प्रदर्शित होताच चाहत्यांनीही त्यावर कमेंट्स आणि लाईक्सचा वर्षाव केला आहे. अभिजीत सावंतचा खास अंदाज आणि त्याचा दमदार आवाज पुन्हा एकदा प्रेक्षकांना मंत्रमुग्ध करणार, यात शंका नाही. 

Abhijeet Sawant

Source : ABPLIVE AI

Abhijeet Sawant:मराठी संगीतविश्वात आपला वेगळा ठसा उमटवणारा गायक अभिजित सावंत पुन्हा एकदा चर्चेत आला आहे. ‘इंडियन आयडॉल’मधून घराघरात पोहोचलेला आणि 2025 मध्ये ट्रेंड सेटर ठरलेला हा गायक आता तब्बल 13 वर्षांनंतर मराठी चित्रपटासाठी खास गाणं घेऊन प्रेक्षकांसमोर येत आहे. आगामी ‘सखे गं साजणी’ या मराठी चित्रपटासाठी अभिजीतने टायटल ट्रॅक गायलं असून हे गाणं नुकतंच प्रदर्शित झालं आहे. (Marathi Song)

दरम्यान, हे गाणं सोशल मीडियावर प्रदर्शित होताच चाहत्यांनीही त्यावर कमेंट्स आणि लाईक्सचा वर्षाव केला आहे. अभिजीत सावंतचा खास अंदाज आणि त्याचा दमदार आवाज पुन्हा एकदा प्रेक्षकांना मंत्रमुग्ध करणार, यात शंका नाही. 

'सर सुखाची श्रावणी' नंतर अभिजितचं नवं गाणं (Abhijeet Sawant)

अभिजीत सावंतच्या आवाजातील ‘सखे गं साजणी’ हे गाणं सध्या सोशल मीडियावर चर्चेचा विषय ठरत आहे. विशेष म्हणजे या गाण्यात अभिजीतची एक झलकही पाहायला मिळत आहे. त्यामुळे गाण्याबरोबरच त्याचा छोटासा अभिनयही प्रेक्षकांच्या नजरेत भरत आहे. या गाण्याबद्दल बोलताना अभिजीत म्हणाला,"चित्रपटासाठी गाणं करणं हे प्रत्येक गायकांच स्वप्नं असतं आणि अश्यातच ही संधी मला मिळाली याचा खूप आनंद आहे. "सखे गं साजणी" चित्रपटाचं टायटल ट्रॅक करायचं आहे हे समजलं तेव्हा पासून या गाण्याबद्दल मला सुद्धा उत्सुकता होती. गाणं गाऊन अभिनय करणं या दोन्ही गोष्टी या गाण्यात करायला मिळाल्या आहेत त्यामुळे हे गाणं अजून खास झालं आहे. प्रेक्षकांनी आजवर माझ्या प्रत्येक कलाकृतीला भरभरून प्रेम दिलं तेवढंच प्रेम प्रेक्षक या गाण्यासाठी देखील देतील अशी आशा आहे"

 

 

 

 

 

View this post on Instagram

 

 

 

 

 

 

 

 

 

 

 

अभिजीत सावंतने यापूर्वीही अनेक लोकप्रिय गाणी दिली आहेत. ‘सर सुखाची श्रावणी’, ‘चाल तुरू तुरू’ आणि ‘रुपेरी वाळूत’ यांसारख्या गाण्यांमधून त्याच्या आवाजाची जादू प्रेक्षकांनी अनुभवली आहे. त्यामुळे ‘सखे गं साजणी’ या नव्या गाण्यालाही प्रेक्षकांकडून तितकंच प्रेम मिळेल, अशी अपेक्षा अभिजीतने व्यक्त केली आहे. गेल्या काही वर्षांत स्वतंत्र गाणी आणि लाईव्ह परफॉर्मन्समधून प्रेक्षकांचं मनोरंजन करणारा अभिजीत आता पुन्हा एकदा चित्रपटसंगीतात सक्रिय होताना दिसत आहे. त्यामुळे ‘सखे गं साजणी’च्या टायटल ट्रॅकला प्रेक्षक कसा प्रतिसाद देतात, याकडे सर्वांचं लक्ष लागलं आहे.

हेही वाचा: