Santosh Juvekar :  अभिनेता संतोष जुवेकरचे छोट्या पडद्यावर कमबॅक, 'या' मालिकेत साकारणार महत्त्वाची भूमिका

Santosh Juvekar :  मराठी सिनेसृष्टीसह हिंदीतही आपली छाप सोडणारा अभिनेता संतोष जुवेकर आता छोट्या पडद्यावर पुनरागमन करत आहे.

Santosh Juvekar Marathi Actor Come back in Marathi TV Serial

Santosh Juvekar :  मराठी सिनेसृष्टीसह हिंदीतही आपली छाप सोडणारा अभिनेता संतोष जुवेकर (Santosh Juvekar) आता छोट्या पडद्यावर पुनरागमन करत आहे. 'कलर्स मराठी'  (Colors Marathi) वाहिनीवरील मालिकेतून संतोष जुवेकर मराठी मालिका विश्वात कमबॅक करत आहे. 'कलर्स मराठी' वाहिनीवरील सध्या लोकप्रिय असलेल्या 'इंद्रायणी' मालिकेतून संतोष छोट्या पडद्यावर कमबॅक करत आहे. 'कलर्स मराठी'ने नवा प्रोमो लाँच केला आहे. 

'इंद्रायणी' ही मालिका आता उत्कंठावर्धक वळणावर आली आहे. एकीकडे इंदू दिग्रसकर वाड्यात राहायला गेली असून तिथे ती प्रत्येक कठीण परिस्थितीचा सामना करत आहे. तर दुसरीकडे इंदूच्या सतत पाठीशी असलेले तिचे लाडके व्यंकू महाराज यांची तब्येत बिघडत चालल्याने इंदूला महाराजांची काळजी लागली आहे. एका साधू बाबांनी सांगितल्या प्रमाणे इंदू व्यंकू महाराजांना वाचवण्याकरता मोठी कसोटी पार पाडणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by @colorsmarathi

आता मालिकेत, सोमवारी, 10 जूनपासून इंदूचा नवीन प्रवास सुरू होणार आहे. साधू बाबांनी इंदूला जी संजीवनी सांगितली होती इंदू आता त्याच संजीवनीच्या शोधात आळंदीला जाण्याचे ठरवते. पण तिने निवडलेला हा प्रवास खूपच खडतर असणार आहे. पैसे अपुरे असताना  आणि कसली माहिती नसताना तिचा हा आळंदीचा प्रवास कसा होईल हे मालिकेच्या कथानकात पाहता येणार.  इंदूच्या या खडतर प्रवासात पाठिराखा म्हणून एक व्यक्ती साथ देणार आहे.  या व्यक्तीची भूमिका संतोष जुवेकर साकारणार आहे. संतोष जुवेकर बऱ्याच कालावधीनंतर छोट्या पडद्यावर दिसणार असल्याने चाहत्यांमध्ये उत्सुकता निर्माण झाली आहे. या मालिकेत इंदूची भूमिका करणारी बालकलाकार सांची भोईरने प्रेक्षकांची मने जिंकली आहेत. तर, अभिनेत्री अनिता दाते आणि संदीप पाठक यांनी आपल्या दमदार अभिनयाने छाप सोडली आहे.

याशिवाय तिच्या या खडतर प्रवासात  पाठीराखा म्हणून  साथ देणाऱ्या  व्यक्तीची भूमिका संतोष जुवेकर साकारणार आहेत. आता हे दोघे मिळून हा प्रवास कसा पार पाडणार आहेत, इंदूची जबरदस्त इच्छाशक्ती आणि तिचा हा आळंदीचा खडतर प्रवास … इंदूला व्यंकू महाराजांसाठी संजीवनी मिळवून देईल?? तिचं आराध्य दैवत असलेले श्री विठूमाऊली तिला कशी कशी साथ करतील, हे मालिकेतील या नव्या कथानकात दिसणार आहे.