Marathi Serial Updates Zee Marathi : 'लाखात एक दादा'ची ऑन एअरची वेळ ठरली, झी मराठीवरील 'या' मालिकेचे काय होणार?

Marathi Serial Updates Zee Marathi Lakhat Ek Amcha Dada : 'लाखात एक दादा'ची ऑनएअर जाण्याची वेळ ठरली आहे. त्यामुळे आता त्या टाईम स्लॉटवर सुरू असलेल्या मालिकेचे काय होणार, याची चर्चा रंगली आहे.  

Marathi Serial Updates Zee Marathi Lakhat Ek Amcha Dada

Marathi Serial Updates Zee Marathi Lakhat Ek Amcha Dada :  छोट्या पडद्यावर सध्या नव्या मालिका सुरू होत आहेत. टीआरपीच्या स्पर्धेत आघाडीवर राहण्यासाठी प्रत्येक वाहिनींकडून जोरदार प्रयत्न सुरू आहेत. झी मराठीने (Zee Marathi) मागील काही महिन्यात नव्या मालिकांचा सपाटा लावला असल्याचे चित्र आहे. अभिनेता नितीश चव्हाणची झी मराठीवर कमबॅक असलेली मालिका 'लाखात एक दादा' ( Lakhat Ek Amcha Dada) आता प्रेक्षकांच्या भेटीला येणार आहे. 'लाखात एक दादा'ची ऑनएअर जाण्याची वेळ ठरली आहे. त्यामुळे आता त्या टाईम स्लॉटवर सुरू असलेल्या मालिकेचे काय होणार, याची चर्चा रंगली आहे.

'लाखात एक दादा' कधी जाणार ऑन एअर?

‘लागीर झालं जी’ नंतर नितीश चव्हाण पुन्हा एकदा झी मराठीवर कमबॅक करत आहे. स्वभावाने भोळसट, करारी मर्द, करड्या शिस्तीचा मात्र बहिणींच्या सुखासाठी, त्यांच्या रक्षणासाठी आणि त्यांची लग्न उत्तमोत्तम घरात लागावीत यासाठी दिवस रात्र जीवाचे रान करणाऱ्या भावाची भूमिका नितीश चव्हाण साकारत आहे. या मालिकेचा पूर्वरंग  7 जुलै रोजी रंगणार असून 8 जुलैपासून नियमितपणे प्रेक्षकांच्या भेटीला येणार आहे. ही मालिका रात्री 8.30 वाजता ऑनएअर जाणार आहे. याच वेळी 'सारं काही तुझ्यासाठी'  (Sara Kahi Tichyasathi) ही मालिका ऑनएअर जाते.

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Marathi (@zeemarathiofficial)

'सारं काही तिच्यासाठी'चं काय होणार?

सारं काही तिच्यासाठी या मालिकेला प्रेक्षकांचा चांगला प्रतिसाद आहे. झी मराठीवरील लोकप्रिय मालिकेपैकी एक मालिका आहे. सध्या ही मालिका रात्री 8.30 वाजता प्रसारीत होते. आता याच मालिकेच्या वेळेत 'लाखात एक दादा' ही मालिका ऑनएअर जाणार आहे. त्यामुळे 'सारं काही तिच्यासाठी'चं काय होणार असा प्रश्न निर्माण झाला आहे. 

ऑफएअर की टाईम स्लॉट बदलणार?

'सारं काही तिच्यासाठी' या मालिकेबाबत झी मराठीने महत्त्वाचा निर्णय घेतला असल्याची माहिती सूत्रांनी दिली आहे.  'सारं काही तिच्यासाठी' ही मालिका ऑफएअर जाणार नाही. 'सारं काही तिच्यासाठी' ही मालिका सायंकाळी 6.30 वाजता ऑनएअर जाणार असल्याची माहिती सूत्रांनी दिली. 

'सारं काही तिच्यासाठी'ची दुसऱ्यांदा बदलली वेळ

'सारं काही तिच्यासाठी' या मालिकेची दुसऱ्यांदा वेळ बदलण्यात आली आहे. ही मालिका याआधी संध्याकाळी 7.30 वाजता प्रसारीत होत होती. त्यानंतर 'पारू' या मालिकेसाठी 'सारं काही तिच्यासाठी'ची वेळ बदलण्यात आली आणि  रात्री 8.30 वाजता करण्यात आली.