(Source: ECI/ABP News/ABP Majha)
Gautam Rode Pankhuri Awasthy Twins Baby: लग्नाच्या पाच वर्षानंतर पंखुरी आणि गौतम झाले आई-बाबा; अभिनेत्रींने दिला जुळ्यांना जन्म
Gautam Rode Pankhuri Awasthy Twins Baby: अनेक सेलिब्रिटी आणि नेटकऱ्यांनी पंखुरी आणि गौतमला शुभेच्छा दिल्या.
Gautam Rode Pankhuri Awasthy Twins Baby: छोट्या पडद्यावरील लोकप्रिय जोडी अभिनेता गौतम रोडे (Gautam Rode) आणि अभिनेत्री पंखुरी अवस्थी (Pankhuri Awasthy) हे आई बाबा झाले आहेत. पंखुरीनं जुळ्यांना जन्म दिला आहे. बुधवारी सकाळी कपलने सोशल मीडियावर पोस्ट शेअर करुन ही आनंदाची बातमी चाहत्यांना दिली. त्यानंतर अनेक सेलिब्रिटी आणि नेटकऱ्यांनी पंखुरी आणि गौतमला शुभेच्छा दिल्या.
पंखुरीनं शेअर केली पोस्ट
26 जुलै रोजी, पंखुरी अवस्थीने इन्स्टाग्रामवर जुळ्या मुलांच्या जन्माची बातमी शेअर केली. तिनं पोस्टमध्ये लिहिलं, 'आम्ही एका मुलाचे आणि एका मुलीचे पालक झालो आहोत. 25 जुलैला त्यांचा जन्म झाला. चार जणांच्या कुटुंबाच्या जर्नीला आम्ही सुरुवात करत आहोत.'
दिव्यांका त्रिपाठी, भारती सिंह यांसारख्या अनेक सेलिब्रिटींनी पंखुरी आणि गौतम यांना सोशल मीडियावर शुभेच्छा दिल्या. देवोलिना भट्टाचार्यने लिहिले, "अभिनंदन गौतम आणि पंखुरी" तर ये रिश्ता क्या कहलाता है फेम मोहसिन खानने पोस्टवर "अभिनंदन" अशी कमेंट केली. अमित टंडन, विवेक दहिया, रोहन शाह यांच्यासह अनेक सेलिब्रिटींनीही गौतम आणि पंखुरी यांना शुभेच्छा दिल्या.
View this post on Instagram
गौतम आणि पंखुरी यांनी बेबी शॉवर प्रोग्रॅमचे देखील आयोजन केले होते. त्या दोघांनी बेबी शॉवर प्रोग्रॅमचे फोटो सोशल मीडियावर शेअर केले होते. या फोटोवर नेटकऱ्यांनी लाइक्स आणि कमेंट्सचा वर्षाव केला.
View this post on Instagram
बाबहू और बेबी, लकी, बेटियां अपनी या पराया धन, बाबुल का आंगन छुटे ना या मालिकांमध्ये गौतम रोडेनं काम केलं. तसेच त्यानं नकाब आणि जुर्म और जाजबात या वेब सीरिजमध्ये काम केलं आहे. तसेच पंखुरीनं देखील विविध मालिकांमध्ये आणि वेब सीरिजमध्ये काम केलं आहे. पंखुरीनं रझिया सुलतान, मॅडम सर, लाल इश्क या मालिकांमध्ये महत्वाची भूमिका साकारली आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
