Bigg Boss Marathi 3: नॉमिनेशन कार्यानंतर बिग बॉसच्या घरात पार पडणार 'डब्बा गुल' साप्ताहिक कार्य

Bigg Boss Marathi 3: काल बिग बॉस मराठीच्या घरामध्ये नॉमिनेशन कार्य पार पडले. ही प्रक्रिया जरा अनपेक्षितरीत्या सदस्यांनी पार पडली. आज घरामध्ये रंगणार आहे 'डब्बा गुल' साप्ताहिक कार्य.

bigg_boss_marathi

Bigg Boss Marathi 3: काल बिग बॉस मराठीच्या घरामध्ये नॉमिनेशन कार्य पार पडले. ही प्रक्रिया जरा अनपेक्षितरीत्या सदस्यांनी पार पडली. या कार्यात गायत्रीने आणि उत्कर्षने जयला नॉमिनेट केले. त्यामुळे जय उत्कर्षवर नाराज दिसून आला. काल उत्कर्ष जयला नॉमिनेट का केले याचे स्पष्टीकरण द्यायचा प्रयत्न करत होता. पण जयला त्याने दिलेले कारण पटत नव्हते असे दिसून आले. या आठवड्यात घराबाहेर जाण्याच्या प्रक्रियेसाठी विशाल निकम, सोनाली पाटील, तृप्ती देसाई, मीनल शाह आणि जय दुधाणे हे सदस्य नॉमिनेट झाले. आज घरामध्ये रंगणार आहे 'डब्बा गुल' हे साप्ताहिक कार्य. 

या कार्यामध्ये देखील दोन टीम असल्याचे दिसून येणार आहे. बिग बॉस मराठीच्या घरामध्ये आज रंगणार्‍या साप्ताहिक कार्यामध्ये सगळीच समीकरणं बदललेली दिसणार आहेत. जय आणि गायत्री मधले नाते असो वा उत्कर्ष-जय मधली नाराजी असो. पण टास्क दरम्यान सदस्य भांडण विसरुन एकत्र येतात. आजच्या 'डब्बा गुल' या साप्ताहिक कार्यामध्ये नक्की काय होणार? कोण कोणाच्या विरोधात खेळणार? कोणामध्ये राडे होणार? संचालक फेअर खेळणार का? कोणाचा डब्बा गुल होणार? हे बघणे उत्सुकतेचे असणार आहे.

या टास्कमध्ये दोन्ही टीममधील सदस्य रणनिती आखताना दिसणार आहेत. टास्क सुरू होण्याआधी टीममधील सदस्य विरुध्द टीमला टास्कमध्ये कसे हरवता येईल याचे प्लॅनिंग करणार आहेत. यामध्ये मीरा तिच्या टीममधील सदस्यांसोबत तर दुसरीकडे जय आणि उत्कर्ष त्याच्या टीममधील सदस्यांसोबत चर्चा करताना दिसणार आहे. बिग बॉस मराठीच्या घरामध्ये आज बर्‍याच दिवसानंतर दादूस, गायत्री आणि मीरा धम्माल गप्पा मारताना दिसणार आहेत. 

बिग बॉस मराठीच्या घरामध्ये सुरू असलेल्या 'डब्बा गुल' कार्यात कोणती टीम कोणाचा 'डब्बा गुल' करण्यात यशस्वी ठरेल हे आजच्या भागात कळणार आहे. पण या टास्क दरम्यान सदस्यांमध्ये बरीच धक्काबुक्की बघायला मिळणार आहे. सदस्य एकमेकांना टोमणे मारताना दिसणार आहेत. आजच्या टास्कमध्ये राडे होणार आहेत.