Bigg Boss 16 : अब्दु रोजिकच्या विरोधात उभे ठाकले ‘बिग बॉस 16’चे स्पर्धक, टास्क दरम्यान पाडलं एकटं!

Bigg Boss 16 : लोकप्रिय रिअॅलिटी शो 'बिग बॉस'चा 16वा (Bigg Boss 16) सीझन सुरू झाला आहे. यंदाचा सीझनदेखील नेहमीप्रमाणे खूपच मनोरंजक आहे.

Abdu Rozik

Bigg Boss 16 : लोकप्रिय रिअॅलिटी शो 'बिग बॉस'चा 16वा (Bigg Boss 16) सीझन सुरू झाला आहे. यंदाचा सीझनदेखील नेहमीप्रमाणे खूपच मनोरंजक आहे. यावेळी स्पर्धकांसोबत बिग बॉसनेही खेळाच्या मैदानात प्रवेश केला आहे. हा रिअॅलिटी शो घरात होणाऱ्या वादांसाठीही प्रसिद्ध आहे. यावेळीही अनेक प्रसिद्ध चेहरे या शोमध्ये सहभागी झाले आहेत. मात्र, लहानगा दिसणारा अब्दु रोजिक (Abdu Rozik) या सीझनचा आकर्षण बिंदू ठरला आहे. आपल्या निरागसपणाने तो प्रेक्षकांची मने जिंकत असला, तरी नुकत्याच पार पडलेल्या टास्कमध्ये स्पर्धकांनी त्याच्या विरोधात कट रचत त्याला एकटे पाडले आहे.

‘बिग बॉस 16’ सुरु होऊन अवघे काहीच दिवस झाले आहेत. मात्र, अवघ्या चार दिवसांत हे घर दोन भागात विभागले गेले आहे. टीना दत्ता, निमृत कौरसारखे स्पर्धक आधीच घरामध्ये स्वतःचा गट तयार करताना दिसत आहेत. हे स्पर्धक आपल्या गटात केवळ अशाच स्पर्धकांना सामील करत आहेत, जे त्यांना आगामी काळात नामांकनापासून वाचवू शकतात. अवघ्या 4 दिवसांत या स्पर्धकांनी केवळ बिग बॉसच नव्हे तर, घरातील सदस्यांना देखील त्रास देण्यास सुरुवात केली आहे. आता स्पर्धकांनी स्वतःला सुरक्षित करण्यासाठी स्पर्धक अब्दु रोजिक विरुद्ध गेम खेळला आहे.

पहिल्याच टास्कमध्ये अब्दु पडला एकटा!

‘बिग बॉस 16’मध्ये नुकताच घराचा पहिला टास्क खेळला गेला. यात घरातील सर्व सदस्य दोन वेगवेगळ्या टीममध्ये सामील झाले होते. ‘बिग बॉस’ने अब्दु रोजिक आणि एमसी स्टॅन असे दोन संघ बनवले आणि शिवा व सुंबूल यांना त्या संघांचे मॅनेजर बनवले. शिव आणि सुंबुलला घरातील इतर सदस्यांना अब्दु आणि एमसी स्टॅनच्या टीममध्ये सामील होण्यासाठी राजी करायचे होते. आपल्या टीममध्ये अधिकाधिक लोक येऊन परफॉर्म करतील, अशी समजूत झाल्यामुळे अब्दु एकाच ठिकाणी शांत बसून राहिला. तर, दुसरीकडे घरातील अनेक सदस्यांनी अब्दुचे तोंडदेखील कौतुक करत शेवटच्या क्षणी डाव पालटला. सगळे स्पर्धक एमसी स्टॅन संघात सामील झाले आणि त्याच्यासोबत एक रील तयार केली. अगदी सुरुवातीपासून अब्दुसोबत असलेले टीना दत्ता आणि साजिद खान यांनीही एमसी स्टॅनसोबत रील बनवली.

बिग बॉसने दाखवली स्पर्धकांची खरी रूपं

पहिला टास्क पूर्ण झाल्यानंतर एमसी स्टॅन आणि त्याचा संघ जिंकला. यानंतर त्यांना एक विशेषाधिकार मिळाला, परंतु, यादरम्यान, बिग बॉसने अब्दु रोजिकला घरातील सदस्यांची खरी रूपं दाखवली. तर, शिव या खेळात कमी पडल्याचे म्हणत त्याला अब्दुची माफी देखील मागण्यास सांगितले.

संबंधित बातम्या