Bigg Boss 15: Miesha Iyer नंतर बिग बॉसच्या घराबाहेर जाणार 'ही' व्यक्ती

Bigg Boss Next Elimination: मिशा अय्यरला अलीकडेच सलमान खानच्या 'बिग बॉस 15' कार्यक्रमातून बाहेर काढण्यात आले आहे. आता आणखी एका स्पर्धकाला बाहेर काढल्याची बातमी समोर येत आहे.

बिग_बॉस_15

Salman Khan Show Bigg Boss Next Elimination: बिग बॉस 15 (Bigg Boss 15) च्या प्रेक्षकांना एकापाठोपाठ एक मोठा झटका बसत आहे. शनिवारी मीशा अय्यर बिग बॉसच्या घरातून आली. त्यानंतर घरातील वातावरण अस्वस्थ झाले होते. यादरम्यान इशान सेहगलची प्रकृती बिघडली होती. मीशाच्या एलिमिनेशनची घोषणा होताच ईशानने तिला मिठी मारली आणि रडू लागला. घरातील बाकीचे स्पर्धक ईशानला समजावताना दिसले. आता बिग बॉस 15 मधून आणखी एक स्पर्धक बाहेर पडला आहे.

बिग बॉस संबंधित घडामोडींवर भाष्य करणाऱ्या द खबरीने ट्विट करत माहिती दिली आहे, बिग बॉसच्या घरातून ईशान सेहगलचा पत्ता कट झाला आहे. मीशाच्या एलिमिनेशननंतर लगेचच ईशानचे घरातून अशा प्रकारे बाहेर पडणे चाहत्यांसाठी धक्कादायक आहे. त्यामुळे आवडत्या स्पर्धकाला घराबाहेर जाताना पाहून चाहत्यांना खूप वाईट वाटणार आहे. 

दिवाळी निमित्ताने बिग बॉसच्या घरात दोन स्पर्धकांची वाइल्ड कार्ड एन्ट्री झाली आहे. नेहा भसीन आणि राकेश बापट वाइल्ड कार्ड एन्ट्री करत स्पर्धेत सहभागी झाले आहेत. दोघांच्या एन्ट्रीने शमिता शेट्टी खूपच खूश आहे. राकेश बापटच्या एन्ट्रीने शमिता शेट्टीची उत्कंठा चांगलीच वाढली आहे.

'बिग बॉस 15' वीकेण्डच्या भागात विशाल कोटियन आणि शमिता शेट्टी या स्पर्धकांमध्ये अंतर दिसले. भावंडांच्या या नात्यात वाइल्ड कार्ड एन्ट्रीने आग लावली आहे. आधी शमिताचा मानलेला भाऊ राजीव अडातिया याने शमिताला तिच्यापासून दूर राहण्याची सूचना केली आणि त्यानंतर राकेश बापट आणि नेहा भसीन यांनीदेखील आपण इकडे तिकडे बोलत असल्याचे सांगितले, त्यानंतर शमिताचा आत्मविश्वास वाढताना दिसत आहे.