Pushpa Film: Allu Arjun आणि Rashmika Manadana चा 'पुष्पा- द राइज' सिनेमा हिंदी भाषेत प्रदर्शित होणार नाही, जाणून घ्या कारण..

अल्लू अर्जुन आणि रश्मिका मंदानाचा 'पुष्पा द राइज' सिनेमाचे हिंदी वर्जन येणार नाही. सध्या हा सिनेमा तेलगू, तमिळ आणि मल्याळम भाषेत प्रदर्शित होणार आहे.

पुष्पा

Allu Arjun And Rashmika mandana Film Pushpa: तेलगू स्टार अल्लू अर्जुन (Allu Arjun) आणि रश्मिका मंदाना (Rashmika Mandana) च्या 'पुष्पा द राइज' (Pushpa: The Rise) सिनेमाबद्दल चाहत्यांमध्ये प्रचंड उत्सुकता दिसून येत आहे. चित्रपटातील गाणे प्रदर्शित होताच लोकप्रिय झाले होते. सिनेमात रश्मिका आणि अल्लूचा अनोखा अंदाज पाहायला मिळणार आहे. पण हा सिनेमा हिंदी भाषेत प्रदर्शित होणार नसल्याने बॉलिवूडच्या प्रेक्षकांनी मात्र नाराजी व्यक्त केली आहे.

सिनेमा प्रदर्शित होण्यासाठी केवळ दोन महिने बाकी असताना सिनेमाचे हिंदी भाषेतील डबिंग पूर्ण न होणार असल्याची चिन्ह दिसत आहेत. बॉलिवूडच्या दृष्टीने सिनेमाचे दोन महिन्यात प्रमोशन करणेदेखील शक्य नाही. त्यामुळेच सिनेमा हिंदी भाषेत सध्यातरी प्रदर्शित होणार नाही. तर तेलगू आणि मल्याळम भाषेत एकाचदिवशी सिनेमा प्रदर्शित होणार आहे.

 

पुष्मा सिनेमाच्या अंतिम टप्प्यातील कामात सध्या अल्लू अर्जुन व्यस्त आहे. सिनेमा हिंदी भाषेत कधी प्रदर्शित होणार ते अद्याप जाहीर केलेले नाही. या सिनेमात रश्मिका मंदाना मुख्य भूमिकेत आहे. तर मल्याळम अभिनेता फहद फासिल पोलिसाच्या भूमिकेत दिसून येणार आहे. या चित्रपटाचे दिग्दर्शन सुकुमार यांनी केले आहे. तर निर्मिती रविशंकर यांनी केली आहे. थरार नाट्य असलेला हा चित्रपट 17 डिसेंबर, 2021 ला प्रदर्शित होणार आहे. 

17 डिसेंबरला होणार प्रदर्शित
मुत्तमशेट्टी मिडीया, मैथ्री मूवी मेकर्सचे नवीन यरनेनी आणि रवि शंकर यांची निर्मिती असलेला पुष्पा सिनेमा 17  डिसेंबर 2021 ला प्रदर्शित होणार आहे.