Jayam Ravi Divorce : प्रसिद्ध तमिळ अभिनेता जयम रवीकडून पत्नीसोबत घटस्फोटाची घोषणा, एक्ट्रा-मॅरिटल अफेअरची चर्चा; सत्य काय?

Jayam Ravi and Aarti Divorce : अभिनेता जयम रवीच्या घटस्फोटाची बातमी समोर येताच सोशल मीडियावर त्याच्या एक्ट्रा-मॅरिटल अफेअरची चर्चा रंगली आहे.

Jayam Ravi and Aarti Divorce Affair Rumors

Source : insta

Actor Jayam Ravi Divorce : प्रसिद्ध दाक्षिणात्य अभिनेता जयम रवी याने पत्नीसोबत घटस्फोटाची घोषणा केली आहे. यामुळे चाहत्यांना मोठा धक्का बसला आहे. जयम रवीने ट्विटरवर निवेदन पोस्ट करत पत्नी आरतीपासून विभक्त होत असल्याचा निर्णय घेतल्याचं सांगितलं आहे. दरम्यान, या कपलच्या घटस्फोटाच्या बातम्या समोर येताच सोशल मीडियावर त्याच्या एक्ट्रा-मॅरिटल अफेअरची चर्चा रंगली आहे. जयम रवी यांच्या घटस्फोटाचा निर्णय एकतर्फी असल्याचं पत्नी आरतीने सोशल मीडिया पोस्टमध्ये सांगितलं. 

अभिनेता जयम रवीकडून पत्नीसोबत घटस्फोटाची घोषणा

तामिळ अभिनेता जयम रवीने पत्नी आरतीपासून घटस्फोट घेतल्याची घोषणा केल्यामुळे तो चर्चेत आहे. जयम रवी एक्स मीडिया अकाऊंटवर पत्नीपासून वेगळं होत असल्याचं जाहीर केलं. यानंतर त्याने इंस्टाग्रामवरील पत्नीसोबतचे पोस्ट, फोटो आणि व्हिडीओही हटवले. दरम्यान, घटस्फोटाच्या चर्चांदरम्यान जयम रवीच्या एक्स्ट्रा मॅरियल अफेअरची चर्चाही सुरु आहे. याबद्दल सत्य जाणून घ्या.

घटस्फोटाचं कारण अद्याप स्पष्ट नाही

जयम रवी सांगितलं की, सोशल मीडिया प्लॅटफॉर्मवर घटस्फोटाची घोषणा होण्यापूर्वीच त्यांच्यात कायदेशीर कार्यवाही सुरू होती, असं रवीने सांगितलं. जयम रवी म्हणाला की, त्याने पत्नी आरतीला दोन कायदेशीर नोटीस पाठवल्या, पण तिने नोटीसांना प्रतिसाद दिला नाही. आरतीच्या वागण्यावरून तिला पॅचअप करायचं आहे का? असा प्रश्न जयमने उपस्थित केला. जयम रवी पुढे म्हणाला की, मला घटस्फोटाची जाहीर घोषणा करण्यास भाग पाडलं गेलं, कारण त्याच्याबद्दल अनेक अफवा पसरल्या होत्या आणि त्याच्या चाहत्यांसाठी त्याची जबाबदारी आहे की त्याने यावर भाष्य करावं.

Grateful for your love and understanding.

Jayam Ravi pic.twitter.com/FNRGf6OOo8

— Jayam Ravi (@actor_jayamravi) September 9, 2024

एक्ट्रा-मॅरिटल अफेअरची चर्चा; सत्य काय?

जयम रवी आणि आरती यांच्या घटस्फोटाची सोशल मीडियावर चर्चा आहे. दोघांनी घटस्फोट घेण्याचं कारण अद्याप स्पष्ट झालेलं नाही. दरम्यान, जयम रवीचे गायिका केनिशा फ्रान्सिससोबत अफेअर असल्याचीही चर्चा सुरु आहे. यावर अभिनेता जयम रवीने मौन सोडलं आहे. रवी म्हणाला की, सायकॉलॉजिस्ट असल्याने तो गायिका केनिशाला भेटत होतो, कशातही, कोणाचंही नाव ओढणं योग्य नाही.

मुलांची कस्टडी मिळण्यासाठी प्रयत्न

जयम रवी पुढे म्हणाला की, आता सध्या तो जिथे उभा आहे, तिथून परत येण्याचा मार्ग नाही. घटस्फोटाची पहिली सुनावणी ऑक्टोबरमध्ये होणार असल्याचेही रवीने सांगितले. आता तो मुंबईला शिफ्ट झाला आहे. आता जयम रवी आरव आणि अयान या दोन्ही मुलांचा ताबा मिळवण्यासाठी लढणार आहे. यासाठी आपण कायद्याची मदत घेत असल्याचे त्याने सांगितले.

महत्त्वाच्या इतर बातम्या :