Sidhu Moose Wala : सिद्धू मुसेवालाच्या वडिलांची सोशल पोस्ट व्हायरल; पत्नीच्या प्रेग्नंसीबाबत मौन सोडलं
Sidhu Moose Wala : सिद्धू मुसेवाला यांची आई चरण कौर यांना रुग्णालयात दाखल करण्यात आल्याचे वृत्त समोर आले होते. त्यानंतर आता सिद्धू मुसेवालाचे वडील बलकौर सिंह यांची सोशल मीडियावर एक पोस्ट व्हायरल झाली आहे
Sidhu Moose Wala : दिवंगत पंजाबी पॉप गायक सिद्धू मुसेवाला (Sidhu Moose Wala) याची आई गरोदर असून लवकरच त्यांच्या घरी पाहुण्याचे आगमन होणार असल्याची चर्चा सुरू आहे. सिद्धू मुसेवाला यांची आई चरण कौर (Charan Kaur) यांना रुग्णालयात दाखल करण्यात आल्याचे वृत्त समोर आले होते. त्यानंतर आता सिद्धू मुसेवालाचे वडील बलकौर सिंह यांची सोशल मीडियावर एक पोस्ट व्हायरल झाली आहे. आपल्या पत्नीच्या प्रेग्नंसीबद्दल मौन सोडलं आहे.
एकलुता एक मुलगा असलेला सिद्धू मुसवाला याच्या हत्येनंतर त्याचे आई-वडील एकटे पडले. त्यामुळे IVF च्या मदतीने सिद्धूची आई 58 वर्षाच्या गरोदर असून आता लवकरच दोन्ही मुलांना जन्म देणार असल्याचे वृत्त होते. या वृत्ताच्या दरम्यान आता सिद्धूचे वडील बलकौर सिंह यांनी आपल्या फेसबुक अकाउंटवर एक पोस्ट लिहिली आहे. आमच्याबद्दल चिंता, काळजी व्यक्त करणाऱ्या सिद्धूच्या चाहत्यांचे आभार मानत असल्याचे त्यांनी म्हटले. आपल्या पोस्टमध्ये त्यांनी पुढे त्यांनी लोकांना आवाहन केले आहे. त्यांनी म्हटले की, कुटुंबाबाबत अनेक अफवा सुरू आहेत. या अफवांवर कोणताही विश्वास ठेवू नये असे आवाहन बलकौर सिंह यांनी केले.
जे काही असेल ते आम्ही स्वत: सांगू
सिद्धू मुसेवालाचे वडील बलकौर सिंह यांनी म्हटले की, ज्या काही बातम्या असतील, त्या कुटुंबीयांच्यावतीने देण्यात येईल असेही त्यांनी म्हटले.
सिद्धू मुसेवाला याची आई चरण कौर सिंह (Sidhu Moose Wala Mother Charan Singh Kaur) ही 58 व्या वर्षी दोन जुळ्या मुलांना जन्म देणार असल्याचे वृत्त सोमवारी समोर आले होते. सिद्धूची आई रुग्णालयात दाखल झाली असल्याचे वृत्त पंजाब केसरीने दिले होते. त्यानंतर आज सिद्धूच्या वडिलांनी सोशल मीडियावर पोस्ट लिहीत मौन सोडले.
मृत्यनंतरही गाण्याच्या माध्यमातून चाहत्यांच्या मनात जिवंत असलेला गायक
सिद्धू मुसेवाला यांनी गीतलेखनापासून त्यांच्या संगीतक्षेत्रातील करिअरची सुरुवात केली. गायनापासून सुरू झालेला त्यांचा प्रवास त्यांना पुढे राजकारणापर्यंत घेऊन गेला. आपल्या गायकीच्या जोरावर सिद्धू मुसेवाला यांनी वयाच्या अवघ्या 29 व्या वर्षी तरुणाईला वेड लावले होते. आता मृत्यूनंतरही ते त्यांच्या गाण्यांच्या माध्यमातून चाहत्यांच्या मनात जिवंत आहेत. त्यांची गाणी आजही अनेक पार्ट्यांमध्ये किंवा लग्नसोहळ्यांत वाजवली जातात. सिद्धू मुसेवालाची हत्या 29 मे रोजी करण्यात आली.
इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
