Prem Mhanje Kay Asat : पहिल्या प्रेमाची आठवण करून देणारा ‘प्रेम म्हणजे काय असतं?’, चित्रपटाचा नॉस्टेल्जिक करणारा टीझर लाँच!
Prem Mhanje Kay Asat : आपल्या आयुष्यातील प्रेमाची आठवण करून देणारा, नॉस्टॅल्जिक करणारा ‘प्रेम म्हणजे काय असतं?’ (Prem Mhanje Kay Asat) या चित्रपटाचा टीझर नुकताच लाँच करण्यात आला आहे.
Prem Mhanje Kay Asat : आपल्या आयुष्यातील प्रेमाची आठवण करून देणारा, नॉस्टॅल्जिक करणारा ‘प्रेम म्हणजे काय असतं?’ (Prem Mhanje Kay Asat) या चित्रपटाचा टीझर नुकताच लाँच करण्यात आला आहे. प्रेमाची हळुवार भावना उलगडणारा हा चित्रपट येत्या 4 नोव्हेंबरला प्रेक्षकांच्या भेटीला येत आहे. प्रेम म्हणजे आयुष्यातली अशी गोष्ट, ज्याच्यासाठी सगळेच नेहमी आतुर असतात. प्रेम ही एक अशी हळुवार भावना आहे जिने प्रत्येक जण मोहरून जातो. अशाच काहीशा भावनांची सांगड घालणारा हा चित्रपट लवकरच प्रेक्षकांच्या भेटीला येणार आहे.
प्रेम म्हटलं की आपल्या प्रत्येकाच्या काहीना काही आठवणी लगेच डोळ्यांसमोर तरळतात. अशाच आठवणीच्या दुनियेत रमायला लावणारी कथा घेऊन ‘प्रेम म्हजे काय असतं’ (Prem Mhanje Kay Asat) हा चित्रपट प्रेक्षकांच्या भेटीस येणार आहे. मात्र, त्यापूर्वी या चित्रपटाची एक छोटीशी झलक अर्थात टीझर रिलीज करण्यात आला आहे.
पाहा टीझर :
खळाळत वाहणाऱ्या धबधब्याजवळ प्रसन्नतेनं बसलेली लहान मुलगी आणि मोहरून जाणारा लहान मुलगा या टीजरमध्ये दिसतात. तसंच प्रेम म्हणजे काय हे सांगतानाच आपल्या आयुष्यातल्या प्रेमाची आठवण करून देणारा, जुन्या आठवणींनी नॉस्टॅल्जिक करणारा व्हॉईस ओव्हरही ऐकू येतो. चित्रपटाचं नाव आणि टीजरमधून चित्रपट रोमँटिक असेल असा अंदाज बांधता येत असला, तरी कथानकाविषयी उत्सुकता निर्माण झाली आहे.
नवोदित कलाकारांना संधी
साताऱ्याच्या तख्त प्रॉडक्शनने "प्रेम म्हणजे काय असतं" (Prem Mhanje Kay Asat) या त्याच्या पहिल्यावहिल्या चित्रपटाची निर्मिती केली आहे. प्रसाद दत्तात्रय इंगवले यांनी चित्रपटाचं लेखन, दिग्दर्शन आणि निर्मिती अशी तिहेरी जबाबदारी निभावली आहे. प्रेम ही संकल्पना अत्यंत वेगळ्या पद्धतीने या चित्रपटात मांडण्यात आली आहे. प्रेम या संकल्पनेवर आजवर अनेक चित्रपट झाले. मात्र याच संकल्पनेचा आणखी एक वेगळा पैलू "प्रेम म्हणजे काय असतं" या चित्रपटातून मांडला जाणार आहे. नवोदित कलाकारांना या चित्रपटातून संधी देण्यात आली आहे.
हेही वाचा :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
