(Source: ECI/ABP News/ABP Majha)
Entertainment News Live Updates 14 September : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
फूड स्टॉल चालवणाऱ्या महिलांच्या हस्ते चित्रपटाचे नवे पोस्टर लाँच
‘द ग्रेट इंडियन किचन’ (The Great Indian Kitchen) या बहुचर्चित मल्याळम चित्रपटातील अभिनेत्री निमिषा संजयनचं (Nimisha Sajayan) मराठीत पदार्पण होणारा चित्रपट म्हणून 'हवाहवाई'ची (Hawahawai) सध्या जोरदार चर्चा आहे. निमिषासह वर्षा उसगावकर, सिद्धार्थ जाधव, समीर चौघुले अशा दमदार कलाकारांची फौज या चित्रपटात असून, ‘हवाहवाई’ हा चित्रपट येत्या 7 ऑक्टोबरला प्रदर्शित होणार आहे. नुकतेच या चित्रपटाचे पोस्टर मुंबईतील फूड स्टॉल चालवणाऱ्या महिलांच्या हस्ते शिवाजी पार्क येथे लाँच करण्यात आले.
'ब्रह्मास्त्र' बॉक्स ऑफिसवर सुस्साट! दमदार कलेक्शनमुळे पीव्हीआर आणि आयनॉक्सच्या शेअर्समध्ये वाढ!
रणबीर कपूर आणि आलिया भट्ट यांच्या ब्रह्मास्त्र चित्रपटानं ग्लोबल बॉक्स ऑफिसवर 211 कोटींपेक्षा जास्त कमाई केली आहे. सोमवारी (12 सप्टेंबर) सकाळी जेव्हा शेअर बाजाराच्या व्यवहाराची सुरुवात झाली तेव्हा पीव्हीआरच्या शेअर्समध्ये पाच टक्क्यांनी वाढ झाली. पीव्हीआरचे शेअर्स 5.10 टक्के वाढून 1928 रुपये पर्यंत पोहोचला.तर आयनॉक्सच्या शेअर्समध्ये देखील वाढ झाली आहे. आयनोक्सच्या शेअर्समध्ये 5.40 टक्के वाढ नोंदवण्यात आली. आयनॉक्सचा शेअर 4.30 टक्यांनी वधारत 515 रुपयांवर व्यवहार करत होता. तर पीव्हीआरचा शेअर 3.62 टक्क्यांनी वधारत 1900 रुपयांवर व्यवहार करत होता.
गोकुळधाम सोसायटीत नक्की कोण परतणार? निर्माते असित कुमार मोदींने दिले संकेत!
‘तारक मेहता का उल्टा चष्मा’ (Taarak Mehta Ka Ooltah Chashmah) ही छोट्या पडद्यावरची लोकप्रिय मालिका गेल्या 14 वर्षांपासून प्रेक्षकांचे अविरत मनोरंजन करत आहे. या मालिकेने प्रेक्षकांना खळखळवून हसवले आहे. मात्र, सध्या ही मालिका वेगळ्याच कारणांमुळे चर्चेत आली आहे. या मालिकेतील बऱ्याच कलाकारांनी सध्या मालिकेला रामराम ठोकला आहे. मात्र, आता यातील काही पात्र आता मालिकेत परत येणार आहेत. याचे संकेत स्वतः निर्माते असित कुमार मोदी यांनी दिले आहेत.
‘कॉमेडी किंग’ ओंकार भोजनेची नवी भरारी! आगामी चित्रपटात पहिल्यांदाच झळकणार मुख्य भूमिकेत
छोट्या पडद्यावर तूफान लोकप्रिय झालेल्या 'कॉमेडीची जीएसटी एक्सप्रेस', 'तुमच्यासाठी काही पण', ' एकदम कडक' आणि 'महाराष्ट्राची हास्यजत्रा' या कार्यक्रमधून महाराष्ट्राच्या घराघरात पोहोचलेला विनोदी अभिनेता म्हणजे ओंकार भोजने (Onkar Bhojane). कॉमेडीचं परफेक्ट टायमिंग आणि 'अगं अगं आई, बाबा ओरडू ओरडू, मला घाबरू घाबरू..' या ओंकारच्या संवादाने तर समस्त प्रेक्षकांना वेड लावले. आता हाच कॉमेडी किंग लवकरच मोठ्या पडद्यावर प्रेक्षकांचे मनोरंजन करण्यासाठी येत आहे.
लायगर फ्लॉप ठरल्यानंतर विजय देवरकोंडाची पहिली पोस्ट; म्हणाला...
दाक्षिणात्य चित्रपटसृष्टीतील प्रसिद्ध अभिनेता विजय देवरकोंडा (Vijay Deverakonda) आणि बॉलिवूडमधील अभिनेत्री अनन्या पांडे (Ananya Panday) यांचा लायगर (Liger) हा चित्रपट फ्लॉप ठरला. अनन्या पांडेचा अभिनय आणि कथानक यामुळे हा चित्रपट फ्लॉप ठरला असं अनेकांचे मत आहे. आता लायगर फ्लॉप ठरल्यानंतर विजयनं पहिली पोस्ट सोशल मीडियावर शेअर केली आहे. या पोस्टला विजयनं दिलेल्या कॅप्शननं अनेकांचे लक्ष वेधले.
Jacqueline Fernandez : जॅकलीन फर्नांडीसच्या अडचणीत वाढ
Jacqueline Fernandez : बॉलिवूड अभिनेत्री जॅकलीन फर्नांडीस (Jacqueline Fernandez) सध्या सुकेश चंद्रशेखर मनी लॉंड्रिंग प्रकरणी चर्चेत आहे. जॅकलीनला ईडीने (आज) 14 सप्टेंबरला न्यायालयात हजर राहण्याचे निर्देश दिले होते. त्यानुसार जॅकलीन आज न्यायालयात चौकशीसाठी हजर राहिली. एक नव्हे, दोन नव्हे तर तब्बल आठ तास जॅकलीनची चौकशी सुरू होती.
Jacqueline Fernandez was questioned today. We questioned her about the gifts she took from Sukesh & other issues. Pinky Irani who introduced Jacqueline to Sukesh was also called. We'll call both Jacqueline & Pinky again & accordingly, we'll proceed: Ravindra Yadav, Spl CP, EoW pic.twitter.com/CCvfOW0vRk
— ANI (@ANI) September 14, 2022
Bhaubali : प्रेक्षकांना खळखळून हसवण्यासाठी 'भाऊबळी' सज्ज
Bhaubali : गेल्या काही दिवसांपासून अनेक दर्जेदार मराठी सिनेमे प्रेक्षकांच्या भेटीला येत आहेत. समीर पाटील दिग्दर्शित 'भाऊबळी' (Bhaubali) हा एक धमाल विनोदी सिनेमा लवकरच प्रेक्षकांच्या भेटीला येणार आहे. सिनेमात विनोदवीरांची फौज असल्याने हा सिनेमा प्रेक्षकांचे चांगलेच मनोरंजन करणार आहे.
Bigg Boss Marathi : 'बिग बॉस मराठी'चं घर यंदा असेल का निर्बंधमुक्त?
Bigg Boss Marathi 4 : 'बिग बॉस मराठी'च्या (Bigg Boss Marathi 4) चौथ्या सीझनचा प्रोमो आऊट झाल्यापासून प्रेक्षक या कार्यक्रमाची प्रतीक्षा करत आहेत. येत्या दोन ऑक्टोबरपासून प्रेक्षकांना त्यांचा लाडका कार्यक्रम पाहायला मिळणार आहे. पण आता बिग बॉसच्या घरात सहभागी होण्यासाठी स्पर्धकांना आरटीपीसीआर टेस्ट करावी लागणार असल्याची माहिती समोर आली आहे.
यवतमाळमध्ये खासदार राणा विरोधात सेवानिवृत्त पोलीस आक्रमक
अमरावतीच्या खासदार नवनीत राणा यांच्यावर शासकीय कामात अडथळा निर्माण केल्याप्रकरणी कडक कारवाई करावी, तसेच गुन्हा दाखल करण्यात यावा, यासाठी सेवानिवृत्त पोलीस अधिकारी- कर्मचारी संघटना यवतमाळमध्ये आक्रमक झाली आहे.
Hariom : 'हरिओम' चा लक्षवेधी मोशन पोस्टर रिलीज
Hariom : महाराष्ट्राचे आराध्यदैवत, आदरस्थान श्री छत्रपती शिवाजी महाराज ह्यांचे उमरठचे दोन वीर बंधू मावळे सिंह तान्हाजी आणि सूर्याजी यांच्या बंधूप्रेम व शिवप्रेमाला प्रेरित झालेल्या दोन भावंडांची कथा मांडणारा 'हरिओम' (Hariom) हा चित्रपट लवकरच येतोय प्रेक्षकांच्या भेटीस येत आहे.
महत्त्वाच्या बातम्या
ट्रेंडिंग न्यूज
