Pawankhind : 'पावनखिंड' चित्रपटावर मोहन भागवत यांची प्रतिक्रिया; म्हणाले...

मोहन भागवत (Mohan Bhagwat) यांनी देखील पावनखिंड (Pawankhind) या चित्रपटाचं कौतुक केलं आहे.

pawankhind

Pawankhind : 'पावनखिंड' (Pawankhind) सिनेमा प्रेक्षकांच्या पसंतीस पडत आहे. दुसऱ्या आठवड्यातही हा सिनेमा बॉक्स ऑफिसवर धुमाकूळ घालतोय.  पावनखिंड चित्रपटाचं कौतुक करत अनेक प्रेक्षकांनी तसेच सेलिब्रिटींनी सोशल मीडियावर पोस्ट शेअर केली आहे.  राष्ट्रीय स्वयंसेवक संघाचे (RSS)सरसंघचालक मोहन भागवत (Mohan Bhagwat) यांनी देखील पावनखिंड या चित्रपटाचं कौतुक केलं. 

पावनखिंड या चित्रपटाच कौतुक करताना मोहन भागवत म्हणाले, 'छत्रपती शिवाजी महाराजांचा इतिहास हा सगळ्या पिढ्यांना स्वाभिमान आणि संजीवनी देणारा आहे. त्यामुळे त्यांचा इतिहास सर्वांसमोर आला पाहिजे.  हा चित्रपट अत्यंत सरस पद्धतीनं तयार करण्यात आला आहे.'  

पावनखिंड चित्रपटाच्या इन्स्टाग्रामवरून व्हिडीओ शेअर करण्यात आला आहे. या व्हिडीओच्या कॅप्शनमध्ये लिहिण्यात आलं, 'अचानक मिळालेला छान आशीर्वाद, राष्ट्रीय स्वयंसेवक संघाचे सरसंघचालक मोहनजी भागवत यांची भेट घेण्याची संधी दिग्दर्शक दिग्पाल लांजेकर आणि टीमला मिळाली तेव्हा त्यांना वीरांगना टिझर, मुख्य ट्रेलर, युगत मांडली गाणे आणि climax मधील काही भाग दाखवला. सुरुवातीला दिलेली  20  मिनिटांची वेळ बघता बघता 1 तासाची चर्चात्मक भेट झाली. त्यांनी लवकरच संपूर्ण चित्रपट पाहण्याची इच्छा दर्शविली आहे. दिलेल्या या वेळेसाठी पावनखिंडची संपूर्ण टीम तुमची खूप खूप आभारी आहे.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Pawankhind - पावनखिंड (@pawankhindfilm)

बॉक्स ऑफिसवर 'पावनखिंड' नं घातला धुमाकूळ 
सिनेमाने पहिल्या आठवड्यात 12.17 कोटींची कमाई केली आहे. तर विकेंडला शुक्रवारी 1.02 कोटी, शनिवारी 1.55 कोटी आणि शनिवारी 1.97 कोटींची कमाई केली आहे. त्यामुळे आतापर्यंत या सिनेमाने बॉक्स ऑफिसवर 16.71 कोटींचा गल्ला जमवला आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha