HBD Geeta Basra : मॉडेलिंगनंतर बॉलिवूडमध्ये हात आजमावला, मनोरंजन विश्वापासून दूर होत क्रिकेटरशी संसार थाटला! वाचा गीता बसाराबाद्द्ल...

Geeta Basra Birthday : मनोरंजनविश्वापासून दूर असली तरी गीता सोशल मीडियावर खूप सक्रिय आहे. ती दररोज मुलांसोबतचे आणि पतीसोबतचे फोटो शेअर करत असते.

Geeta Basra

Geeta Basra Birthday : बॉलिवूड अभिनेत्री गीता बसरा (Geeta Basra) आज (13 मार्च) तिचा 38वा वाढदिवस साजरा करत आहे. गीताचा जन्म इंग्लंडच्या पोर्ट्समाउथ येथे एका पंजाबी कुटुंबात झाला होता. गीता तिथेच लहानाची मोठी झाली आणि नंतर भारतात स्थायिक झाली. गीताला कधीच अभिनेत्री व्हायचे नव्हते, तिला क्रिमिनल सायकॉलॉजिस्ट बनण्यात अधिक रस होता. मात्र, भारतात येऊन तिने मॉडेलिंग करण्यास सुरुवात केली. गीता ही भारतीय क्रिकेट संघाचा खेळाडू हरभजन सिंहची पत्नी आहे.

गीता आणि हरभजन या जोडीला दोन मुलं देखील आहेत. मनोरंजनविश्वापासून दूर असली तरी गीता सोशल मीडियावर खूप सक्रिय आहे. ती दररोज मुलांसोबतचे आणि पतीसोबतचे फोटो शेअर करत असते. चित्रपटांपासून दूर असलेली गीता तिचे वैयक्तिक आयुष्य खूप एन्जॉय करत आहे.  

भारतात येऊन बॉलिवूडमध्ये नशीब आजमावलं!

गीताने 4-5 वर्षे लंडनमध्ये थिएटर केले आणि नंतर किशोर नमित कपूरच्या मुंबईतील अभिनय शाळेत प्रवेश घेतला होता. अभिनयाचे शिस्कःन घेतल्यावर तिला बॉलिवूडमध्ये पहिली संधी मिळाली. पहिल्या चित्रपटात ती अभिनेता इमरान हाश्मीसोबत दिसली होती. या चित्रपटाचे नाव होते 'दिल दे दिया है'. पण, हा चित्रपट काही विशेष जादू दाखवू शकला नाही.

यानंतर, 2007 मध्ये, गीता पुन्हा 'द ट्रेन'मध्ये इमरान हाश्मीसोबत झळकली. मात्र, तिचा हा दुसरा चित्रपटही फ्लॉप ठरला. या चित्रपटात गीताने अनेक बोल्ड सीन्स दिले होते. गीता बसरा बॉलिवूडमध्ये येण्यापूर्वी एक उत्तम मॉडेल म्हणून सक्रिय होती. चित्रपटांमध्ये विशेष यश न मिळाल्याने गीता हळूहळू चित्रपट जगतातून गायब झाली.

3 वर्ष डेटिंगनंतर लग्नगाठ बांधली!

2015 मध्ये गीता बसराने टीम इंडियाचा फिरकी गोलंदाज हरभजन सिंहसोबत सात फेरे घेतले. गीता आणि हरभजन दोघेही एकमेकांना 3 वर्षांहून अधिक काळ डेट करत होते. हरभजनसोबत लग्न केल्यानंतर गीता इंडस्ट्रीपासून पूर्णपणे दूर राहिली. आता ती ना कुठल्या कार्यक्रमात, ना कुठल्या पुरस्कार सोहळ्यात, ना पार्टीत ना चित्रपटात कुठेही दिसत नाही.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha