Tyler Christopher Passed Away : हॉलिवूड हादरलं! अभिनेते टायलर ख्रिस्तोफर यांचे निधन; वयाच्या 50 व्या वर्षी घेतला अखेरचा श्वास

Tyler Christopher Death : हॉलिवूड अभिनेते टायरल ख्रिस्तोफर यांचे निधन झाले आहे.

Written By : एबीपी माझा एंटरटेनमेंट डेस्क | Edited By: मंजिरी पोखरकर | Updated at : 01 Nov 2023 11:05 AM (IST)

Tyler Christopher

Tyler Christopher : हॉलिवूड अभिनेते टायरल ख्रिस्तोफर (Tyler Christopher) यांचे निधन झाले आहे. वयाच्या 50 व्या वर्षी त्यांनी अखेरचा श्वास घेतला आहे. 'जनरल हॉस्पिटल' (General Hospital) आणि 'डेज ऑफ अवर लाईव्स'मधील (Days of Our Lives) त्यांच्या भूमिका चांगल्याच गाजल्या आहेत. 'जगरल हॉस्पिटल'मधील त्यांचे सहकलाकार मॉरिस बेनार्ड यांनी त्यांच्या निधनाची बातमी दिली आहे.

हृदयविकाराच्या झटक्याने टायलर ख्रिस्तोफर यांचे निधन

मौरिस यांनी सोशल मीडियावर टायरल यांच्या निधनाची बातमी देत लिहिलं आहे,"टायलर ख्रिस्तोफर यांच्या निधनाची बातमी शेअर करत आम्हाला खूप दु:ख होत आहे. टायलर यांचे राहत्या घरी हृदयविकाराच्या झटक्याने निधन झाले आहे".

View this post on Instagram

A post shared by Maurice Benard (@mauricebenard)

मौरिसने पुढे लिहिलं आहे,"टायलर हे एक प्रभावशाली व्यक्ती आहेत. आपल्या अभिनयाने टायलर यांनी रुपेरी पडदा गाजवला आहे. टायलरला ओळखणाऱ्यांना माहिती आहे की, ते एख चांगले व्यक्ती होते. गेल्या काही दिवसांपासून टायलर नैराश्याचा सामना करत होते. जवळचा मित्र गमावल्याने खूप वाईट वाटत आहे.

टायलर यांच्या निधनाने चाहत्यांना मोठा धक्का बसला आहे. मौरिस यांच्या पोस्टवर कमेंट करत चाहते शोक व्यक्त करत आहेत. एकाने लिहिलं आहे,"टायलरचा मी मोठा चाहता असल्याने माझ्या मुलाचं नाव मी ख्रिस्तोफर टायलर ठेवलं होतं. टायलर कायमच आठवणीत राहतील". दुसऱ्या एका चाहत्याने लिहिलं आहे,"गेल्या चार दिवसांतील दुसरी वाईट बातमी".

View this post on Instagram

A post shared by Tyler Christopher (@tylerchristopher2929)

'या' सिनेमाने मिळालेली प्रसिद्धी

टायलर ख्रिस्तोफर यांनी 1969 ते 2016 पर्यंत 'जनरल हॉस्पिटल'मध्ये निकोलस कैसडाइनच्या माध्यमातून प्रेक्षकांचं चांगलच मनोरंजन केलं आहे. तसेच 'डेज ऑफ अवर लाईव्स फ्रॉम'मध्ये त्यांनी साकारलेली डिमेरा ही भूमिकाही चांगलीच गाजली. या भूमिकेने त्यांनी प्रेक्षकांचं चांगलच मनोरंजन केलं.

टायलर ख्रिस्तोफर हे लोकप्रिय हॉलिवूड अभिनेते होते. ख्रिस्तोफर यांचं नाव अनेक अभिनेत्रींसोबत जोडलं गेलं. ईवा लोंगोरियासोबत ते 2002 मध्ये लग्नबंधनात अडकले होते. पण त्यांचं नातं फार काळ टिकलं नाही. त्यानंतर त्यांनी वैनेसा मार्सिल आणि नतालिया लिविंगस्टन यांना डेट करायला सुरुवात केली.

संबंधित बातम्या