TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
महाशिवरात्रीच्या दिवशी प्रभासच्या 'आदिपुरूष'ची रिलीज डेट जाहीर
बॉलिवूडमधील काही आगामी चित्रपटांच्या रिलीज डेट्स जाहीर झाल्या आहेत. गेली अनेक दिवस अभिनेता प्रभासच्या आदिपुरूष या चित्रपटाची प्रेक्षक उत्सुकतेनं वाट पाहात आहेत. या चित्रपटाची नुकतीच रिलीज डेट जाहीर करण्यात आली आहे. 12 जानेवारी 2023 रोजी 3D मध्ये हा सिनेमा जगभरात प्रदर्शित होणार आहे.
'कच्चा बदाम' गायक रूग्णालयात दाखल
सोशल मीडियावर कच्चा बदाम हे गाणं प्रचंड व्हायरल झालं. सर्वसामान्यांपासून ते सेलिब्रिटीपर्यंत अनेकांनी 'कच्चा बदाम' गाण्यावरील रिल्स सोशल मीडियावर शेअर केले. कच्चा बदाम गाण्याचे गायक भुवन बडायकर यांना या गाण्यामुळे विशेष लोकप्रियता मिळाली. भुवन यांना सोमवारी रात्री रूग्णालायात दाखल करण्यात आलं आहे. रिपोर्टनुसार, भुवन हे सेकंड हँड कार चालवायला शिकत होते. या दरम्यान त्यांची गाडी धडकली. या घटनेत भुवन हे जखमी झाले आहेत. त्यांना पश्चिम बंगालमधील बीरभूम येथील एका रूग्णालयात दाखल करण्यात आलं आहे.
शिल्पाने केली 'सुखी' सिनेमाची घोषणा
बॉलिवूड अभिनेत्री शिल्पा शेट्टीने तिच्या आगामी 'सुखी' सिनेमाची घोषणा केली आहे. 'सुखी' हा स्त्रीप्रधान सिनेमा असू शकतो, अशी शक्यता वर्तवली जात आहे. या सिनेमात शिल्पा मुख्य भूमिकेत असणार आहे. या सिनेमाचे दिग्दर्शन सोनल जोशीने केले आहे.
महिलांना समर्पित जगातील एकमेव ओटीटी प्लॅटफॉर्म होणार लॉंच
ओटीटी प्लॅटफॉर्मची लोकप्रियता लक्षात घेत अनेक निर्माते त्यांचे सिनेमे सिनेमागृहात प्रदर्शित न करत ओटीटी प्लॅटफॉर्मवर प्रदर्शित करत आहेत. अशातच जागतिक महिला दिनाच्या पार्श्वभूमीवर 2023 मध्ये महिलांना समर्पित जगातील एकमेव ओटीटी स्ट्रीमिंग प्लॅटफॉर्म लॉंच होणार आहे. जगात प्रथमच असा प्रयोग करण्यात आला आहे.
'बच्चन पांडे' सिनेमातील 'मेरी जान' गाणे प्रदर्शित
बॉलिवूड अभिनेता अक्षय कुमारचा 'बच्चन पांडे' हा चित्रपट लवकरच प्रदर्शित होणार आहे. या चित्रपटाच्या ट्रेलरला प्रेक्षकांचा चांगला प्रतिसाद मिळत आहे. आता निर्मात्यांनी चित्रपटातील 'मेरी जान' हे नवीन गाणे रिलीज केले आहे. या गाण्यात अक्षय कुमार आणि कृती सेनॉनची रोमँटिक केमिस्ट्री पाहायला मिळत आहे. हे गाणे पाहिल्यानंतर चाहत्यांमध्ये चित्रपटाबद्दलची उत्सुकता नक्कीच वाढली असेल.
संबंधित बातम्या
Kangana Ranaut : सुरक्षेत तैनात असणाऱ्या जवानाला उद्धट बोल, कंगना रनौत सोशल मीडियावर ट्रोल!
Bholaa Shankar First look : महाशिवरात्रीला प्रेक्षकांच्या भेटीला आला 'भोला शंकर'मधील चिरंजीवीचा लूक
Mahesh Manjrekar : ‘पुढील सुनावणीपर्यंत कोणतीही कठोर कारवाई करू नका’, महेश मांजरेकरांना हायकोर्टाचा मोठा दिलासा!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
