Telly Masala : कंगना रनौत बॉलिवूड सोडणार ते शरद पोंक्षे यांची पोस्ट चर्चेत; जाणून घ्या मनोरंजनसृष्टीसंबंधित महत्त्वाच्या बातम्या

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Kangana Ranaut : कंगनाच्या दणदणीत विजयानंतरही चाहते नाराज; बॉलिवूडला रामराम करणार असल्याच्या चर्चांना उधाण

Kangana Ranaut : बॉलिवूड अभिनेत्री कंगना रनौत (Kangana Rnaut) हिमाचल प्रदेशातील मंडीतून (Himachal Pradesh Mandi) विजयी झाली आहे. बॉलिवूड गाजवल्यानंतर आता दिल्ली गाजवायला कंगना सज्ज झाली आहे. कंगनाची मंडीतून संसदेत ग्रँड एन्ट्री झाल्याने सर्वत्र तिच्यावर कौतुकाचा वर्षाव होत आहे. पण तिचे काही चाहते मात्र नाराज झाले आहेत. निवडणुकीच्या प्रचारादरम्यान कंगनाने घोषणा केली होती,"निवडणूक जिंकले तर बॉलिवूड सोडून देईन". त्यामुळे आता 'पंगाक्वीन' मंडीकरांना दिलेलं आश्वासन पूर्ण करत राजकारणातच स्वत:ला झोकून देणार का? याकडे सर्वांचं लक्ष लागलं आहे. कंगनाने लोकसभेचं मैदान मारलं आहे. त्यामुळे आता ती बॉलिवूडचं मैदान सोडणार का? याकडे सर्वांच्याच नजरा आहेत. 

Sharad Ponkshe : "हिंदूच हिंदूत्वाच्या विरोधात उभे ठाकतात, स्वा. सावरकरांचं वाक्य पुन्हा खरं ठरलं" : शरद पोंक्षे

Sharad Ponkshe : 'लोकसभा निवडणूक 2024'चा (Lok Sabha Election 2024) निकाल लागला आहे. मतमोजणीनंतर विजयी उमेदवारांची घोषणा करण्यात आली आहे. निवडणुकीच्या निकालानंतर सोशल मीडियाच्या माध्यमातून अनेक राजकीय नेते आणि मनोरंजनसृष्टीतील कलाकार मंडळी प्रतिक्रिया देत आहेत. अशातच आता मराठी मनोरंजनसृष्टीतील ज्येष्ठ अभिनेते शरद पोंक्षे (Sharad Ponkshe) यांची फेसबुक पोस्ट चर्चेत आहे. निवडणूक निकालांच्या पार्श्वभूमीवर शरद पोंक्षे यांनी मोजक्या शब्दांत आपली पोस्ट केली आहे. 

Rekha : रेखासोबत पहिल्याच चित्रपटात इंटीमेट सीन, टीव्हीवरील अमिताभ म्हटल्यावर व्हायचा नाराज; कोण आहे हा अभिनेता?

Rekha : बॉलिवूडची एव्हरग्रीन अभिनेत्री अशी रेखा (Rekha) यांची ओळख आहे. दिलकश अदा, टाइमलेस ब्यूटीमुळे ती ओळखली जाते. आजही रेखाच्या अभिनयाचा मोठा चाहतावर्ग आहे. बॉलिवूडची दिग्गज अभिनेत्री असणाऱ्या रेखासोबत पहिल्याच चित्रपटात इंटीमेट सीन दिल्याने बॉलिवूडचा एक अभिनेता (Bollywood Actor) चांगलाच चर्चेत आला होता. छोट्या पडद्यावरील अमिताभ बच्चन (Amitabh Bachchan) अशी त्याची ओळख होती. पण छोट्या पडद्यावरील अमिताभ बच्चन म्हटलेलं त्याला आवडत नसे.

Suresh Gopi BJP Kerala : मशिदीत दुआ मागितली, चर्चमध्ये मेणबत्ती लावली; केरळमध्ये कमळ फुलवणारे सुरेश गोपी आहेत कोण?

Suresh Gopi BJP Kerala :  मल्याळम अभिनेते सुरेश गोपी (Suresh Gopi) यांनी अनेक वर्षानंतर केरळमध्ये (Kerala) भाजपच्या (BJP) विजयाचा दुष्काळ संपवत कमळ फुलवले आहे. त्रिशूर लोकसभा मतदारसंघातून सुरेश गोपी यांनी भारतीय कम्युनिस्ट पक्षाच्या उमेदवाराचा पराभव करत विजय संपादन केला. सुरेश गोपी यांनी मागील अनेक वर्षांपासून त्रिशूरमध्ये सक्रिय आहेत. 2019 च्या विधानसभा निवडणुकीत त्रिशूर मतदारसंघात त्यांना पराभवाचा सामना करावा लागला.

Deepika Padukone : प्रेग्नंट दीपिका पादुकोण रणवीर सिंहसोबत डिनर डेटवर; अभिनेत्रीच्या सासू-सासऱ्यांनी वेधलं लक्ष

Deepika Padukone Ranveer Singh Dinner Date : बॉलिवूड अभिनेत्री दीपिका पादुकोण (Deepika Padukone) सध्या प्रेग्नंसीमुळे चर्चेत आहे. दीपिका पादुकोणचे फोटो आणि व्हिडीओ सोशल मीडियावर व्हायरल होत आहेत. या फोटो-व्हिडीओमध्ये अभिनेत्री बेबी बंप फ्लॉन्ट करताना दिसत आहे. चाहतेही दीपिकाच्या लूकचं कौतुक करत आहेत. रणवीर सिंह (Ranveer Singh) सध्या प्रेग्नंट दीपिका पादुकोणची काळजी घेत आहे. प्रेग्नंट दीपिका पादुकोण नुकतीच रणवीर सिंहसोबत डिनर डेटवर स्पॉट झाली आहे. याआधीही दीपिका अनेकदा आपल्या कुटुंबियांसमवेत डिनर डेटवर स्पॉट झाली आहे.