कधी आईचा गॉगल, कधी मोकळे केस, लहानपणीची फॅशनेबल प्रियांका चोप्रा पाहिलीत का? देसी गर्लचे एक्स्क्लुझीव्ह फोटो समोर!

Priyanka Chopra : प्रियांका चोप्राने नुकतेच सोशल मीडियावर काही फोटो शेअर केले आहेत. या फोटोंमध्ये प्रियांका चोप्रा फारच लहान दिसत आहे.

priyanka chopra

Priyanka Chopra Old Photos: बॉलिवुडची देसी गर्ल प्रियांका चोप्रा फक्त भारतातच नव्हे तर जगभरात चर्चेत असते. तिच्या आयुष्यात नेमकं काय चाललंय? याची माहिती ती सोशल मीडियाच्या माध्यमातून तिच्या चाहत्यांना सांगते. दरम्यान, प्रियांका चोप्राने नुकतेच काही फोटो सोशल मीडियावर शेअर केले आहेत. विशेष म्हणजे हे फोटो तिच्या बालपणीचे आहे. आतापर्यंत हे फोटो तिने कुठेही शेअर केलेले नाहीत. त्यामुळेच अतिशय सुंदर असणारी प्रियांका चोप्रा लहाणपणी कशी दिसायची, हे या फोटोंच्या माध्यमातून तिच्या चाहत्यांना पाहायला मिळाले आहे.

प्रियांका चोप्राने शेअर केलेल्या या फोटोमध्ये दिग्गज दिवंगत अभिनेते दिलीप कुमार आणि अभिनेता अजय देवगण दिसत आहेत. तर दुसऱ्या फोटोत प्रियांका चोप्रा जिन्स आणि शर्ट परिधान केलेली दिसत आहे. विशेष म्हणजे तिच्या गळ्यात मोठा सापही दिसतोय.