Telly Masala : शाहरुखचा 'डंकी' ऑस्करच्या शर्यतीत ते आमिरच्या लेकीचा शाही विवाहसोहळा; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Ira Khan-Nupur Shikhare Wedding : ना हिंदू, ना मुस्लिम.. आमिरची लेक आयराने नुपूरसोबत ख्रिश्चन पद्धतीने केलं लग्न; पाहा व्हिडीओ

Ira Khan-Nupur Shikhare Wedding : बॉलिवूडचा सुपरस्टार आमिर खानची (Aamir Khan) लाडकी लेक आयरा खान (Ira Khan) आणि नुपूर शिखरे (Nupur Shikhare) यांचा शाही विवाहसोहळा उदयपूरमध्ये पार पडला आहे. या डेस्टिनेशन लग्नाकडे सर्वांचं लक्ष लागलं होतं. आमिर खानची लेक हिंदू की मुस्लिम पद्धतीने लग्नबंधनात अडकणार याची सर्वांना उत्सुकता होती. पण आयरा आणि नुपूरने ख्रिश्चन पद्धतीने लग्न केलं आहे.

Shah Rukh Khan : शाहरुखचा 'डंकी' ऑस्करच्या शर्यतीत? समोर आली मोठी अपडेट

Shah Rukh Khan Dunki Oscar Awards 2024 : बॉलिवूडचा बादशाह शाहरुख खानचा (Shah Rukh Khan) 'डंकी' (Dunki) हा सिनेमा सध्या चांगलाच चर्चेत आहे. बॉक्स ऑफिसवर हा सिनेमा धमाकेदार कमाई करत आहे. आता हा सिनेमाची ऑस्करसाठी (Oscar Awards 2024) एन्ट्री पाठवण्यात येणार असल्याचं म्हटलं जात आहे.

Jaya Prada : अभिनेत्री जया प्रदाच्या अडचणीत वाढ; आचार संहितेचं उल्लंघन केल्याप्रकरणी अजामीनपत्र वॉरंट जारी

Jaya Prada : बॉलिवूड अभिनेत्री जया प्रदा (Jaya Prada) सध्या चर्चेत आहे. अभिनेत्रीच्या अडचणीत वाढ झाली आहे. आचार संहितेचं उल्लंघन केल्याप्रकरणी त्यांच्याविरोधात सातव्यांदा अजामीनपत्र वॉरंट जारी करण्यात आलं आहे. 

Pankaj Tripathi : 'मैं अटल हूं'ची रिलीज डेट अन् राम मंदिर प्राण प्रतिष्ठाचं कनेक्शन? पंकज त्रिपाठी म्हणाले,"आरोप होणार, टिकेला तयार"

Pankaj Tripathi on Main Atal Hoon : बॉलिवूड अभिनेता पंकज त्रिपाठी (Pankaj Tripathi) यांचा 'मैं अटल हूं' (Main Atal Hoon) हा सिनेमा प्रेक्षकांच्या भेटीसाठी सज्ज आहे. अटल बिहारी वाजपेयी (Atal Bihari Vajpayee) यांच्या आयुष्यावर आधारित असलेल्या या सिनेमावर आरोप होतील, टीका होईल, असं पंकज त्रिपाठी नुकत्याच एका मुलाखतीत म्हणाले आहेत.

VIDEO: सेल्फी काढायला आलेल्या फॅनवर भडकल्या 'ड्रीम गर्ल' हेमा मालिनी; म्हणाल्या "आम्ही इथे..."

Hema Malini: बॉलिवूडमधील ड्रीम गर्ल म्हणजेच अभिनेत्री हेमा मालिनी (Hema Malini) यांचा चाहता वर्ग मोठा आहे. त्याची एक झलक पाहण्यासाठी  त्यांचे चाहते उत्सुक असतात. हेमा मालिनी या नेहमीच कोणत्या ना कोणत्या कारणाने चर्चेत असते. काही दिवसापूर्वी त्या गुलजार यांची बायोग्राफी  'गुलजार साहब: हजार राहें मुड़कर देखें'च्या लॉन्च इव्हेंटमध्ये सहभागी झाल्या होत्या. या इव्हेंटमधील हेमा मालिनी यांचे अनेक फोटो आणि व्हिडीओ व्हायरल झाले आहेत. ज्यामध्ये त्या एका चाहत्यावर भडकलेल्या दिसत आहेत.