(Source: ECI/ABP News/ABP Majha)
Tamannaah Bhatia: तमन्नाचा जबरा फॅन! हातावर काढला टॅटू, व्हिडीओ व्हायरल
नुकताच तमन्नाचा (Tamannaah Bhatia) एक व्हिडीओ सोशल मीडियावर व्हायरल झाला आहे.
Tamannaah Bhatia: अभिनेत्री तमन्ना भाटियाचा (Tamannaah Bhatia) चाहता वर्ग मोठा आहे. तमन्ना ही हिंदी आणि दाक्षिणात्य चित्रपटांमधून प्रेक्षकांच्या भेटीस येते. नुकताच तमन्नाचा एक व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे, की तिच्या एका फॅननं तिच्या चेहऱ्याचा टॅटू हातावर काढला आहे. हा टॅटू पाहिल्यानंतर तमन्नाला आनंद होतो.
तमन्ना आणि तिच्या फॅनच्या व्हायरल व्हिडीओमध्ये दिसत आहे की, तमन्नाला भेटल्यानंतर त्या व्यक्तीने अभिनेत्रीला नमस्कार केला. त्या फॅननं तमन्नाला पुष्पगुच्छ, कार्ड आणि एक पत्रही दिले. भावूक झालेल्या तमन्नाने तिच्या चाहत्याला मिठी मारली. तमन्नासोबत बोलत असताना त्या व्यक्तीने हातावरील टॅटूही दाखवला. ब्लॅक अँड व्हाईट कलरमधील हा टॅटू तमन्नाच्या चेहऱ्याचा होता. त्या टॅटूच्या शेजारी 'लव्ह यू तमन्ना' असे लिहिले होते. तमन्ना आणि तिच्या फॅनच्या या व्हायरल व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.
पाहा व्हिडीओ:
View this post on Instagram
तमन्नाचा आगामी चित्रपट
तमन्ना ही लस्ट स्टोरीज-2 या चित्रपटामधून प्रेक्षकांच्या भेटीस येणार आहे. आर बाल्की, सुजॉय घोष, अमित रविंदरनाथ शर्मा आणि कोंकणा सेन शर्मा या चार दिग्दर्शकांनी दिग्दर्शित केलेल्या कथा लस्ट स्टोरीज-2 या चित्रपटात दाखवण्यात येणार आहेत. लस्ट स्टोरी-2 या चित्रपटाची प्रेक्षक उत्सुकतेने वाट बघत आहेत.
गेल्या काही दिवसांपासून तमन्ना ही तिच्या वैयक्तिक आयुष्यामुळे चर्चेत आहे. अभिनेता विजय वर्मा आणि तमन्नाच्या अफेअरची चर्चा सोशल मीडियावर होत आहे. तमन्नानं विजयसोबतच्या तिच्या नात्याबद्दल एका मुलाखतीत सांगितलं होतं. ती म्हणाली होती की, विजय हा तिच्या हॅप्पी प्लेससारखा आहे.
विजय आणि तमन्नाच्या अफेअरची चर्चा सोशल मीडियावर होत आहे. तमन्नानं विजयसोबतच्या तिच्या नात्याबद्दल एका मुलाखतीत सांगितलं होतं. ती म्हणाली होती की, विजय हा तिच्या हॅप्पी प्लेससारखा आहे. आता तमन्नाच्या लस्ट स्टोरीज-2 या चित्रपटाची प्रेक्षक उत्सुकतेने वाट बघत आहेत.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
