Tamannaah Bhatia And Vijay Varma: 'ती मला म्हणाली, तू पहिला अभिनेता आहेस, ज्याला मी ऑनस्क्रिन किस करेल'; विजय वर्मानं सांगितला तमन्नाचा 'तो' किस्सा
नुकत्याच एका मुलाखतीमध्ये विजयनं तमन्नाचा (Tamannaah Bhatia) एक किस्सा सांगितला आहे.
Tamannaah Bhatia And Vijay Varma: अभिनेता विजय वर्मा (Vijay Varma) आणि अभिनेत्री तमन्ना भाटिया (Tamannaah Bhatia) ही जोडी नेटफ्लिक्सवरील (Netflix) लस्ट स्टोरीज-2 ( Lust Stories 2) या चित्रपटामधून प्रेक्षकांच्या भेटीस येणार आहे. या वेब सीरिजमध्ये तमन्ना आणि विजयचे काही इंटिमेट सीन्स देखील आहेत. नुकत्याच एका मुलाखतीमध्ये विजयनं तमन्नाचा एक किस्सा सांगितला आहे.
एका मुलाखतीमध्ये विजयनं सांगितलं, 'लस्ट स्टोरीज 2'चे दिग्दर्शन करणाऱ्या दिग्दर्शक सुजॉय घोष यांच्या ऑफिसमध्ये मी तमन्नाला पहिल्यांदा भेटलो. तेव्हा आम्ही दोघांनी गप्पा मारल्या. तमन्नाने तेव्हा मला सांगितले की, ती गेल्या 17 वर्षांपासून काम करत आहे आणि आतापर्यंत ती नो किस पॉलिसी अंतर्गत काम करत आहे. त्यानंतर तमन्ना मला म्हणाली, मी यापूर्वी ऑनस्क्रिन कोणालाही किस आणि तू पहिला अभिनेता आहेस ज्याला मी ऑनस्क्रिन किस करेल.' पुढे विजय म्हणाला, 'तमन्नाचं हे बोलणं ऐकल्यानंतर मी तिला थँक्यु म्हणालो.'
View this post on Instagram
गेल्या काही दिवसांपासून विजय आणि तमन्नाच्या अफेअरची चर्चा सोशल मीडियावर होत आहे. तमन्नानं विजयसोबतच्या तिच्या नात्याबद्दल एका मुलाखतीत सांगितलं होतं. ती म्हणाली होती की, विजय हा तिच्या हॅप्पी प्लेससारखा आहे.
विजय वर्मा आणि तमन्ना भाटिया यांचा लस्ट स्टोरीज-2 या चित्रपटाची रिलीज डेट अजून जाहीर करण्यात आलेली नाही. काही दिवसांपूर्वी या चित्रपटाचा ट्रेलर आणि टीझर रिलीज झाला होता. लस्ट स्टोरीज-2 च्या ट्रेलर आणि टीझरमध्ये देखील तमन्ना आणि विजयच्या इंटिमेट सीन्सची झलक प्रेक्षकांना बघायला मिळाली.
आर बाल्की, सुजॉय घोष, अमित रविंदरनाथ शर्मा आणि कोंकणा सेन शर्मा या चार दिग्दर्शकांनी दिग्दर्शित केलेल्या कथा लस्ट स्टोरीज-2 या चित्रपटात दाखवण्यात येणार आहेत. लस्ट स्टोरी-2 या चित्रपटाची प्रेक्षक उत्सुकतेने वाट बघत आहेत. काजोल, तिलोतमा शोम, अमृता शुभाश, अंगद बेदी, कुमुद मिश्रा, मृणाल ठाकूर आणि नीना गुप्ता या कलाकरांनी देखील लस्ट स्टोरी-2 या चित्रपटामध्ये प्रमुख भूमिका साकारली आहे.
वाचा इतर महत्वाच्या बातम्या:
महत्त्वाच्या बातम्या
