Shiv Grewal : सात मिनिटांसाठी मरुन जिवंत झाला रंगभूमी गाजवणारा शिव ग्रेवाल; जिवंत होताच सांगितला विलक्षण अनुभव

Shiv Grewal : ब्रिटनची रंगभूमी गाजवणारा अभिनेता शिव ग्रेवाल सात मिनिटांसाठी मरुन जिवंत झाला आहे.

Shiv Grewal

Shiv Grewal : मृत्यू झालेली व्यक्ती पुन्हा जिंवत होऊ शकते का? साहजिकच या प्रश्नचं उत्तर नाही असचं असणार. पण कधीतरी चमत्कारदेखील होतो आणि मृत व्यक्ती पुन्हा जिवंत होते. सध्या अशीच एक चमत्काराची कहाणी चर्चेत आहे. एका अभिनेत्याने (Shiv Grewal) दावा केला आहे की तो काही वर्षांपूर्वी सात मिनिटांसाठी मरुन जिवंत झाला होता. 

शिव ग्रेवाल (Shiv Grewal) असे या व्यक्तीचे नाव आहे. शिव हे 60 वर्षांचे असून ते ब्रिटनमधील लोकप्रिय रंगकर्मी आहेत. न्यूयॉर्क पोस्टच्या रिपोर्टनुसार,'पीए रियल लाइफ'ला दिलेल्या मुलाखतीत शिव यांनी त्यांच्या आयुष्यानंतरच्या अनुभवावर भाष्य केले आहे. शिव म्हणाले,"9 फेब्रुवारी 2013 रोजी माझी हृदयक्रिया बंद पडली होती. लंडनमधील घरी पत्नीसोबत जेवन केलं. त्यानंतर काही वेळानेच हृदयक्रिया बंद पडली. पत्नीने रुग्णवाहिलेला कॉल केला. पण तोपर्यंत खूप उशीर झाला होता आणि माझा मृत्यू झाला. मला वेळेवर उपचार मिळाले नव्हते". 

शिव पुढे म्हणाले,"माझा मृत्यू झाल्याचं सांगण्यात आलं होतं. मलाही माझ्या शरीरातून काहीतरी निघून जात असल्याचं जाणवलं. त्यामुळे मला शून्या वाटत होतं. पण तरीही मला भावना आणि संवेदना जाणवत होत्या. शरीरात काय सुरू आहे काही कळत नव्हतं. जणूकाही पाण्यावरचं मी तरंगत आहे असं मला वाटलं. या भौतिक जगापासून दूर गेल्यासारखं वाटलं. एक वेळ तर अशी आली की चंद्राची सफर करत होतो आणि बला ब्रह्मांड दिसत होतं". 

शिव म्हणाले,"त्यावेळी मी एका वेगळ्याच जगात असून माझ्यासाठी पुनर्जन्माचा सेट तयार होतोय, असं जाणवत होतं. आणखी आयुष्य जगण्याची माझी इच्छा होती. मला पत्नीसोबत वेळ घालवायचा आहे, असंही त्यावेळी मला वाटलं. काही वेळात माझ्या घरी रुग्णवाहिका पोहोचली. डॉक्टरांनीही हृदय प्रक्रिया पुन्हा सुरू करण्याचा प्रयत्न केला. अखेर त्यांना यश आलं आणि माझ्यावर शस्त्रक्रिया पार पडली. मृत्यूचा सामना केल्यानंतर माझा आयुष्याकडे पाहण्याचा दृष्टिकोन बदलला आहे". 

संबंधित बातम्या