Shah Rukh Khan : शाहरुखच्या 'जवान'ने रचला इतिहास; 'या' यादीत स्थान मिळवणारा ठरला पहिला भारतीय सिनेमा

Jawan : शाहरुखच्या (Shah Rukh Khan) 'जवान'ने इतिहास रचला आहे.

Shah Rukh Khan Jawan

Shah Rukh Khan Jawan Box Office Collection : बॉलिवूड अभिनेता शाहरुख खानचा (Shah Rukh Khan) 'जवान' (Jawan) हा सिनेमा बॉक्स ऑफिसवर सुपरहिट ठरला आहे. जगभरातील बॉक्स ऑफिसवर हा सिनेमा रेकॉर्डब्रेक कमाई करत आहे. अशातच आता युएईमध्ये (UAE) या सिनेमाने इतिहास रचला आहे. 

पिंकव्हिलाच्या रिपोर्टनुसार, यूएईमध्ये 'जवान' हाईएस्ट ग्रॉसर सिनेमा ठरला आहे. यूएईमध्ये शाहरुखचा मोठा चाहतावर्ग आहे. चाहते मोठ्या संख्येने सिनेमागृहात जाऊन शाहरुखचा 'जवान' हा सिनेमा पाहत आहेत. त्यामुळे यूएई बॉक्स ऑफिसवर हा सिनेमा हाईएस्ट ग्रॉसर सिनेमांच्या यादीत नवव्या स्थानावर आहे. यूएईमध्ये या सिनेमाने 75 कोटींची कमाई केली आहे. 

The #ShahRukhKhan starrer is the highest grossing Indian film in UAE and now it has found itself emerge as the 9th highest grosser at the UAE box office as well. https://t.co/1H5nNlPJF3#Jawan #JawanCreatesHistory

— Pinkvilla (@pinkvilla) November 1, 2023

यूएईच्या हाईएस्ट ग्रॉसर सिनेमांच्या यादीत अवतार 2 (Avatar 2), एवेंजर एंडगेम (Avengers Endgame), स्पायडरमॅन : नो वे होम (Spiderman : No Way Home), फ्यूरियस 7 (Furious 7), द फेट ऑफ द फ्यूरियस (The Fate of the Furious), अलादीन (Aladdin), टॉप गन : म्हेवरिक (Top Gun : Maverick), द लायन किंग (The Lion King) या सिनेमांचा समावेश आहे. आता या यादीत 'जवान' या सिनेमाचाही समावेश झाला आहे. 

'जवान' ओटीटीवर होणार रिलीज! (Jawan OTT Release)

शाहरुख खानचा 'जवान' हा सिनेमा 2 नोव्हेंबर 2023 रोजी अभिनेत्याच्या वाढदिवशी ओटीटी प्लॅटफॉर्मवर रिलीज होणार आहे. नेटफ्लिक्स या ओटीटी प्लॅटफॉर्मवर प्रेक्षकांना हा सिनेमा पाहायला मिळेल. भारतीय बॉक्स ऑफिसवर 'जवान'ने 640 कोटींची कमाई केली आहे. तर जगभरात 11 कोटींचा गल्ला जमवला आहे. 

2 din for @iamsrk’s janamdin 🎂 https://t.co/flyIvrRiBr pic.twitter.com/c7aQjXeraF

— Netflix India (@NetflixIndia) October 31, 2023

'जवान' हा सिनेमा बॉक्स ऑफिसवर ब्लॉकबस्टर ठरला आहे. या सिनेमातील अॅक्शन, थरार, नाट्य प्रेक्षकांच्या पसंतीस उतरले आहेत. 'जवान' या सिनेमाच्या दिग्दर्शनाची धुरा एटली कुमारने सांभाळली आहे. या सिनेमात शाहरुखसह, नयनतारा, विजय सेतुपती, सान्या मल्होत्रा, रिद्धी डोगरा, एजाज खान, सुनील ग्रोवर हे कलाकार महत्त्वाच्या भूमिकेत आहेत. तसेच दीपिका पादुकोण आणि संजय दत्तची झलकही या सिनेमात प्रेक्षकांना पाहायला मिळाली आहे.

संबंधित बातम्या