अवैध शस्त्रास्त्र प्रकरणी मुक्ततेनंतर सलमानचा पहिला ट्वीट

मुंबई : 18 वर्ष जुन्या अवैध शस्त्रास्त्र बाळगल्याच्या खटल्यात अभिनेता सलमान खानला मोठा दिलासा मिळाला आहे. जोधपूर कोर्टाने सलमान खानची निर्दोष मुक्तता केल्यानंतर सलमानने ट्वीटवरुन आभार व्यक्त केले आहेत. 'मला पाठिंबा दिल्याबद्दल आणि तुमच्या शुभेच्छांबद्दल तुमचे मनःपूर्वक आभार.' असं ट्वीट करत सलमानने चाहत्यांचे आभार व्यक्त केले आहेत. दुपारी 11.45 च्या सुमारास सलमानच्या वकिलांनी कोर्टाने सलमानला निर्दोष मुक्त केल्याची माहिती दिली. त्यानंतर 12.36 वाजता सलमानने ट्वीटवरुन धन्यवाद दिले आहेत. https://twitter.com/BeingSalmanKhan/status/821614675141992449 काळवीट शिकार केसमध्ये अवैध शस्त्रास्त्र बाळगल्याप्रकरणी सलमानविरोधात जोधपूर न्यायालयात दाखल करण्यात आलेल्या याचिकेवर सुनावणी झाली. या सुनावणीसाठी सलमान खान आदल्याच दिवशी जोधपूरमध्ये दाखल झाला होता. मात्र सुनावणीवेळी न्यायाधीश कोर्टात पोहोचले, तरी सलमान पोहोचला नव्हता. त्यामुळे कोर्टाने सलमानला अर्ध्या तासांचा वेळ दिला होता. त्यादरम्यान सलमान कोर्टात पोहोचला आणि काही अवघ्या दोन मिनिटांत निकाल आला. या खटल्यात सलमानला संशयाचा फायदा मिळाला. त्यामुळे सलमान निर्दोष सुटला. सलमानवर आरोप सिद्ध झाले असते, तर त्याला 7 वर्षांपर्यंतच्या कारावासाची शिक्षा होऊ झाली असती.

सलमान खान अवैध शस्त्र खटल्यातूनही सुटला!

1998 साली ‘हम साथ साथ है’ या सिनेमाच्या शूटिंगदरम्यान बेकायदेशीरपणे शस्त्र बाळगल्याचा आरोप सलमानवर करण्यात आला. 9 जानेवारीला कोर्टासमोर हे प्रकरण सादर करण्यात आलं होतं. दोन्ही बाजू ऐकल्यानंतर कोर्टाने पुढील सुनावणीसाठी सलमानला कोर्टात हजर राहण्याचे आदेश दिले होते. काय आहे प्रकरण? परवाना संपलेली शस्त्रं सलमानने बाळगल्याचा आरोप करण्यात आला होता. त्याच्याकडे असलेल्या दोन्ही शस्त्रांचा परवाना 22 सप्टेंबर 1998 रोजी संपला होता. मात्र त्याने या शस्त्रांनी 1 आणि 2 ऑक्टोबर 1998 रोजी काळवीटांची शिकार केली, असा आरोप याचिकाकर्त्याने केला आहे. सलमानची ही शस्त्रं चोरीला गेल्याची तक्रार दाखल करण्यात आली होती. मात्र तपासादरम्यान त्याच्या हॉटेलच्या रुममध्येच ती आढळल्याचं याचिकाकर्त्याने म्हटलं होतं. शिवाय काळवीटांचा मृत्यू गोळी लागूनच झाल्याचा शवविच्छेदन अहवालही याचिकाकर्त्याने कोर्टासमोर सादर केला आहे. सलमान विरोधात चार केस दाखल करण्यात आले होते. अवैध शस्त्रास्त्रं बाळगल्याप्रकरणी सलमानविरोधात गुन्हा दाखल करण्यात आला होता.

संबंधित बातम्या

सात वर्षांची शिक्षा झाल्यास सलमान जोधपूर कोर्टातून थेट तुरुंगात

सलमानचं अवैध शस्त्रास्त्र प्रकरण, कोर्टात अंतिम सुनावणी