Ganesh Chaturthi 2023 : अल्लू अर्जुनच्या सहा वर्षीय लेकीने बनवली बाप्पाची सुंदर मूर्ती; पाहा व्हिडीओ
Allu Arjun : गणेशचतुर्थी आधी अल्लू अर्जुनच्या सहा वर्षीय लेकीने बाप्पाची गोड मूर्ती बनवली आहे.
Allu Arjun Daughter Arha Makes Eco Friendly Ganesha : 'पुष्पा' (Pushpa) स्टारर अल्लू अर्जुन (Allu Arjun) नेहमीच कोणत्या ना कोणत्या कारणाने चर्चेत असतो. पण यंदा मात्र त्याची लेक अरहा (Arha) चर्चेत आहे. सहा वर्षाच्या अरहाने गणपती बाप्पाची (Ganapati Bappa) सुंदर मूर्ती बनवली आहे. अरहाचा मूर्ती बनवतानाचा व्हिडीओ सोशल मीडियावर व्हायरल होत आहे.
गणेशचतुर्थी (Ganesh Chaturthi 2023) अवघ्या एका दिवसावर आली असून बाप्पाच्या स्वागताची घरोघरी जय्यत तयारी सुरू आहे. अल्लू अर्जुनच्या लेकीने शाडूची माती आणून घरीच बाप्पाची सुंदर मूर्ती बनवली आहे. अरहाच्या या टॅलेंटचं सर्वत्र कौतुक होत आहे. अल्लू अर्जुनची पत्नी स्नेहा रेड्डीने सोशल मीडियावर अरहाचा बाप्पाची मूर्ती बनवतानाचा व्हिडीओ शेअर केला आहे.
ICONSTAR @alluarjun daughter preparing eco-friendly Ganesh 😍❤️#AlluArha #GaneshChaturthi #GanpatiBappaMorya pic.twitter.com/6dezHkOzXS
— Allu Babloo AADHF (@allubabloo) September 16, 2023
अल्लू अर्जुनप्रमाणे त्याचे लाडकी लेक अरहादेखील टॅलेंटेड आहे. अल्लू अर्जुनप्रमाणे गोंडस अरहाचाही मोठा चाहतावर्ग आहे. अल्लू अर्जुन किंवा स्नेहा रेड्डी जेव्हा त्यांच्या लेकीचा अरहाचा व्हिडीओ सोशल मीडियावर शेअर करतात तेव्हा तो व्हायरल होतोच. अरहाचं इंस्टाग्राम पेजदेखील आहे. त्यावर तिचे फोटो आणि व्हिडीओ ती शेअर करत असते.
अल्लू अर्जुनची लेक बालकलाकार
अल्लू अर्जुन हा दाक्षिणात्य सिनेसृष्टीतील एक लोकप्रिय कलाकार आहे. त्याची लेक अरहानेदेखील बालकलाकार म्हणून सिनेक्षेत्रात पदार्पण केलं आहे. सहा वर्षीय अरहा मूर्तीकार आहेच. पण अभिनयक्षेत्रातही तिच्या अभिनयाचा जलवा पाहायला मिळाला आहे. समंथा रुथ प्रभू स्टारर 'शांकुतलम' (Shaakuntalam) या सिनेमात अरहाच्या अभिनयाची जादू पाहायला मिळाली आहे. छोट्या अरहाच्या टॅलेंटचं सर्वत्र कौतुक होत आहे. तिच्या व्हायरल होणाऱ्या व्हिडीओवर सेलिब्रिटींसह चाहत्यांनी कौतुकाचा वर्षाव केला आहे.
दाक्षिणात्य सुपरस्टार अल्लू अर्जुनचा (Allu Arjun) मनोरंजनविश्वात बोलबाला आहे. अभिनेता सध्या 'पुष्पा 2' (Pushpa 2) या सिनेमाचं शूटिंग करत आहे. हा सिनेमा 15 ऑगस्ट 2024 रोजी प्रेक्षकांच्या भेटीला येईल. 'पुष्पा : द राइज' हा सिनेमा 2021 मध्ये प्रेक्षकांच्या भेटीला आला होता. 'पुष्पा : द राइज' हा सिनेमा सुपरहिट ठरला. अल्लू अर्जुनच्या या सिनेमाला आंतरराष्ट्रीय पुरस्काराने सन्मानित करण्यात आले आहे. आता 'पुष्पा 2'सह सुपरस्टारच्या आगामी सिनेमांची चाहत्यांना उत्सुकता आहे.
संबंधित बातम्या
Jawan: 'पुष्पा'कडून 'जवान' चं तोंडभरुन कौतुक; अल्लू अर्जुनला किंग खान म्हणाला,'तुझ्याकडून शिकलो'
महत्त्वाच्या बातम्या
