Pushpa 2 OTT Release: ठरलं! थिएटरनंतर 'या' ओटीटी प्लॅटफॉर्मवर रिलीज होणार अल्लू अर्जुनचा 'पुष्पा-2'
Pushpa 2 OTT Release: 15 ऑगस्ट 2024 रोजी पुष्पा-2 हा चित्रपट थिएटरमध्ये रिलीज होत आहे. अशातच आता या चित्रपटाच्या ओटीटी रिलीजची देखील घोषणा करण्यात आली आहे.
Pushpa 2 OTT Release: अभिनेता अल्लू अर्जुनचा (Allu Arjun) 'पुष्पा 2' (Pushpa 2) हा 2024 मधील बहुप्रतिक्षित सिनेमांपैकी एक आहे. या चित्रपटाची प्रेक्षक उत्सुकतेने वाट बघत आहेत. या चित्रपटाची रिलीज डेट अल्लू अर्जुननं काही महिन्यांपूर्वी जाहीर केली होती. 15 ऑगस्ट 2024 रोजी पुष्पा-2 हा चित्रपट थिएटरमध्ये रिलीज होत आहे. अशातच आता या चित्रपटाच्या ओटीटी रिलीजची देखील घोषणा करण्यात आली आहे. थिएटरमध्ये रिलीज झाल्यानंतर पुष्पा-2 कोणत्या ओटीटी प्लॅटफॉर्मवर रिलीज होणार? जाणून घेऊयात...
कोणत्या ओटीटी प्लॅटफॉर्मवर रिलीज होणार पुष्पा-2? (Pushpa 2 OTT Release)
'पुष्पा 2' या चित्रपटाच्या थिएटर रिलीजनंतर हा चित्रपट नेटफ्लिक्स या ओटीटी प्लॅटफॉर्मवर रिलीज होणार आहे. याबाबत Netflix India च्या इंस्टाग्राम पेजवर एक पोस्ट शेअर करण्यात आली आहे. या पोस्टमध्ये लिहिण्यात आलं, "पुष्पा येणार आहे आणि तो RULE करणार आहे! Pushpa2 नियम लवकरच Netflix वर तेलुगु, तमिळ, मल्याळम, कन्नड आणि हिंदी भाषेमध्ये येत आहे. थिएटर रिलीजनंतर!"
View this post on Instagram
'पुष्पा 2' कधी होणार रिलीज?
'पुष्पा 2' हा चित्रपट 15 ऑगस्ट 2024 रोजी थिएटरमध्ये रिलीज होणार आहे. अल्लू अर्जुनला 'पुष्पा: द राइज' या चित्रपटातील उत्कृष्ट अभिनयासाठी सर्वोत्कृष्ट अभिनेत्याच्या श्रेणीतील राष्ट्रीय चित्रपट पुरस्कारानं गौरवण्यात आलं.
पुष्पा द राइज (Pushpa: The Rise - Part 1) हा चित्रपट 2021 मध्ये प्रेक्षकांच्या भेटीस आला होता. या चित्रपटातील श्रीवल्ली,सामी सामी,ओ अंटवा या गाण्यांना प्रेक्षकांची पसंती मिळाली. या चित्रपटानं बॉक्स ऑफिसवर धुमाकूळ घातला.
'पुष्पा: द राइज' या चित्रपटामध्ये अल्लु अर्जुन, रश्मिका मंदाना, फहाद फासिल, जगदीश, अजय घोष, सुनील आणि अनसूया या कलाकारांनी प्रमुख भूमिका साकारली. आता या चित्रपटाच्या सिक्वेलची प्रेक्षक उत्सुकतेने वाट बघत आहेत. 'पुष्पा: द राइज' हा चित्रपट प्रेक्षक अॅमेझॉन प्राइम या ओटीटी प्लॅटफॉर्मवर प्रेक्षक पाहू शकतात. तर आता 'पुष्पा 2' म्हणजेच 'पुष्पा: द रूल' हा चित्रपट नेटफ्लिक्सवर रिलीज होत आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
