Project K : महाशिवरात्रीनिमित्त दीपिका पादुकोण अन् प्रभासने चाहत्यांना दिली खास भेट; 'प्रोजेक्ट के'ची रिलीज डेट जाहीर!

Project K : महाशिवरात्रीनिमित्त दीपिका पादुकोण (Deepika Padukone) आणि प्रभासच्या (Prabhas) आगामी 'प्रोजेक्ट के' या सिनेमाची रिलीज डेट जाहीर करण्यात आली आहे.

Project K

Project K Release Date Out : दाक्षिणात्य अभिनेता प्रभास (Prabhas) आणि बॉलिवूड अभिनेत्री दीपिका पादुकोण (Deepika Padukone) गेल्या काही दिवसांपासून 'प्रोजेक्ट के' (Project K) या सिनेमामुळे चर्चेत आहेत. आता महाशिवरात्रीनिमित्त निर्मात्यांनी या सिनेमाचं नवं पोस्टर शेअर करत रिलीज डेट जाहीर केली आहे. 

'प्रोजेक्ट के' कधी येणार प्रेक्षकांच्या भेटीला? (Project K Release Date) 

'प्रोजेक्ट के' या सिनेमाच्या नव्या पोस्टरने सर्वांचं लक्ष वेधून घेतलं आहे. या पोस्टरमध्ये धुळीत पडलेला एक हात दिसत आहे. तसेच तीन जण या एका हातावर गोळी मारताना दिसत आहेत. "जग वाट पाहत आहे", असं या पोस्टरवर लिहिण्यात आलं आहे. पोस्टर शेअर करत या सिनेमाची रिलीज डेटदेखील जाहीर करण्यात आली आहे. हा बहुचर्चित सिनेमा 12 जानेवारी 2024 रोजी मकरसंक्रांतीच्या दिवशी प्रेक्षकांच्या भेटीला येणार आहे. 

बॉलिवूडचे महानायक अमिताभ बच्चन (Amitabh Bachchan) यांनीदेखील 'प्रोजेक्ट के' या सिनेमाचं पोस्टर शेअर करत चाहत्यांना महाशिवरात्रीच्या शुभेच्छा दिल्या आहेत. हटके पोस्टरमुळे चाहत्यांची उत्सुकता वाढली आहे. त्यांना आता सिनेमाची प्रतीक्षा आहे. वैजयंती मूवीजच्या बॅनरखाली या सिनेमाची निर्मिती करण्यात आली आहे. त्यामुळे वैजयंती मूवीजने देखील पोस्टर शेअर करत चाहत्यांना महाशिवरात्रीच्या शुभेच्छा दिल्या आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vyjayanthi Movies (@vyjayanthimovies)

'प्रोजेक्ट के' या सिनेमाच्या दिग्दर्शनाची धुरा नाग अश्विनने सांभाळली आहे. या सिनेमात प्रेक्षकांना अॅक्शनचा तडका पाहायला मिळणार आहे. नववर्षाच्या सुरुवातीला प्रेक्षकांच्या भेटीला येणारा वैजयंती मूवीजचा 'प्रोजेक्ट के' हा सर्वोत्कृष्ट सिनेमा असेल. आता या सिनेमाच्या शूटिंगला सुरुवात झाली असून हा सिनेमा प्रेक्षकांचं चांगलच मनोरंजन करणार आहे. 

‘शेहनशाह’ अन् ‘बाहुबली’ एकाच सिनेमात!

बॉलिवूडचे सुपरस्टार अमिताभ बच्चन आणि दाक्षिणात्य सुपरस्टार प्रभास पहिल्यांदाच 'प्रोजेक्ट के' या सिनेमात एकत्र झळकणार आहेत. त्यामुळे रुपेरी पडद्यावर त्यांना एकत्र पाहण्याची चाहत्यांना उत्सुकता आहे. दोघेही सिनेसृष्टीतील उत्कृष्ट, हरहुन्नरी अभिनेते आहेत. सिनेमाच्या नव्या पोस्टवर चाहते आता सिनेमाची उत्सुकता, शेहनशाह आणि बाहुबलीचा स्क्रिन शेअर करताना पाहायचयं, अशा कमेंट्स चाहत्यांनी केल्या आहेत.

संबंधित बातम्या