Phone Bhoot Release Date: ‘फोन भूत’ चित्रपटाची रिलीज डेट बदलली! प्रेक्षकांना आणखी वाट पाहावी लागणार!
Phone Bhoot Release Date: बॉलिवूड स्टार कतरिना कैफ (Katrina Kaif), ईशान खट्टर (Ishan Khattar) आणि सिद्धांत चतुर्वेदी (Siddhant Chaturvedi) यांचा आगामी चित्रपट 'फोन भूत'ची (Phone Bhoot) रिलीज डेट पुढे ढकलण्यात आली आहे.
Phone Bhoot Release Date: बॉलिवूड स्टार कतरिना कैफ (Katrina Kaif), ईशान खट्टर (Ishan Khattar) आणि सिद्धांत चतुर्वेदी (Siddhant Chaturvedi) यांचा आगामी चित्रपट 'फोन भूत' (Phone Bhoot) गेल्या काही दिवसांपासून चर्चेत आहे. काही दिवसांपूर्वीच याचे एक पोस्टर रिलीज करण्यात आले होते, ज्यामध्ये हा चित्रपट 7 ऑक्टोबरला प्रदर्शित होणार असल्याचे म्हटले होते. 15 जुलैला दुपारी निर्मात्यांनी या चित्रपटाचे मोशन पोस्टर रिलीज करताना देखील ही रिलीज डेट 7 ऑक्टोबरचं होती. मात्र, संध्याकाळच्या शेवटी या चित्रपटाच्या प्रदर्शनाची तारीख बदलण्यात आली. आता निर्मात्यांनी या चित्रपटाची नवीन रिलीज डेट जाहीर केली आहे.
आता हा चित्रपट 7 ऑक्टोबर ऐवजी 4 नोव्हेंबरला चित्रपटगृहात प्रदर्शित होणार आहे. या चित्रपटात कतरिना कैफ व्यतिरिक्त ईशान खट्टर आणि सिद्धांत चतुर्वेदी यांच्या महत्त्वाच्या भूमिका आहेत.
चित्रपटाचे नवे पोस्टर रिलीज
या चित्रपटाचे नवीन पोस्टर नुकतेच सोशल मीडियावर शेअर करण्यात आले आहे. पोस्टरमध्ये अभिनेत्री कतरिना कैफ, अभिनेता सिद्धांत चतुर्वेदी आणि ईशान खट्टर यांच्या शेजारी बसलेली आहे. तसेच, त्यांच्यासमोर जादूटोणा साहित्य ठेवलेले दिसत आहे. चित्रपटाचे हे पोस्टर शेअर करताना ईशान खट्टरने लिहिले की, 'भूतबद्दल महत्त्वाचे अपडेट. फोन भूत आता 4 नोव्हेंबर रोजी थिएटरमध्ये रिलीज होणार आहे.’ या चित्रपटाचे दिग्दर्शन गुरमीत सिंह यांनी केले आहे. चित्रपटाचे लेखन रविशंकर आणि जसविंदर सिंह बाथ यांनी केले आहे.
पाहा पोस्टर :
या हॉरर-कॉमेडी चित्रपटाची कथा एका दुकानाभोवती विणली गेली आहे, जिथे भूत-प्रेत यांना कैद करण्याचे सामना विकले जाते. या चित्रपटाची निर्मिती फरहान अख्तरने केली आहे. या चित्रपटात जॅकी श्रॉफ, शीबा चड्ढा आणि निधी बिश्त हे कलाकार देखील महत्त्वाच्या भूमिकेत दिसणार आहेत. मोशन पोस्टरच्या सुरुवातीला इशान खट्टर खांद्यावर सांगाडा घेऊन दिसत आहे. यानंतर सिद्धांत आणि कतरिना देखील ईशान खट्टरसोबत बसलेले दिसत आहेत. ब्लॅक आउटफिटमध्ये कतरिना एखाद्या तांत्रिकाप्रमाणे भासत आहे. यासोबतच निर्मात्यांनी चित्रपटाचे पोस्टरही शेअर केले आहे.
हेही वाचा :
Katrina Kaif ,Vicky Kaushal Photos : विकी कतरिना स्पेंड करतायत 'क्वालिटी टाईम'; शेअर केले खास फोटो
katrina kaif, Vicky Kaushal : कतरिनाचा एअरपोर्टवरील व्हायरल व्हिडीओ चर्चेत; नेटकरी म्हणाले, 'प्रेग्नंट आहेस का?'
महत्त्वाच्या बातम्या
