Telly Masala : 'IFFI'मध्ये मराठी सिनेमांचा बोलबाला ते वर्षाचा शेवट होणार मनोरंजनात्मक; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Mahesh Manjrekar : 'IFFI' आंतरराष्ट्रीय चित्रपट महोत्सवात महेश मांजरेकरांच्या 'बटरफ्लाय'चा विशेष शो

Mahesh Manjrekar Butterfly Movie IFFI 2023 : 'इफ्फी' (IFFI) या 54 व्या आंतरराष्ट्रीय चित्रपट महोत्सावाला (International Festival Of India) आजपासून सुरुवात होणार आहे. या महोत्सावाची देशभरातील कलाकारांसोबत परदेशातील फिल्ममेकर्सनाही उत्सुकता आहे. आता या महोत्सवात महेश मांजरेकरांच्या (Mahesh Manjrekar) 'बटरफ्लाय' (Butterfly) या सिनेमाचा विशेष शो आयोजित करण्यात आला आहे.

Rahul Dravid Aditi Dravid Exclusive : काका, तू बेस्ट कोच आहेस, 'माझा'शी बोलताना द्रविडची पुतणी हळहळली, अभिनेत्री अदिती द्रविड म्हणाली, सर्वात मोठा हार्टब्रेक!

Rahul Dravid And Marathi Actress Aditi Dravid Connection : विश्वचषकाच्या अंतिम सामन्यात ऑस्ट्रेलियाने भारताचा (India vs Australia world cup final) सहा विकेट्सने पराभव केला. या पराभवानंतर टीम इंडियाचे खेळाडू ज्याप्रमाणे चर्चेत आहेत अगदी त्याचप्रमाणे टीम इंडियाचे हेड कोच राहुल द्रविडदेखील (Rahul Dravid) चर्चेत आहेत. क्रिकेटर राहुल द्रविड आणि मराठमोळी अभिनेत्री अदिती द्रविडचं (Aditi Dravid) खास नातं आहे. अदिती ही राहुल द्रविड यांची पुतणी आहे. तसेच विश्वचषकात भारताचा पराभव होणं हा माझ्या आयुष्यातील सर्वात मोठा हार्टब्रेक असं अभिनेत्रीने म्हटलं आहे. 

Shiv Thakare : 'झलक दिखला जा'चा रॉकस्टार 'आपला माणूस' शिव ठाकरे!

Shiv Thakare : 'आपला माणूस' शिव ठाकरे (Shiv Thakare) कायमच कोणत्या ना कोणत्या कारणाने चर्चेत असतो. सध्या तो 'झलक दिखला जा 11' (Jhalak Dikhhla Jaa 11) या कार्यक्रमामुळे चर्चेत आहे. शिव कुठेही गेला तरी त्याच्या आजूबाजूच्या लोकांना तो प्रभावित करत असतो. आता 'झलक दिखला जा 11'च्या मंचावर तो काय धमाका करणार याकडेस सर्वांचं लक्ष लागलं आहे.

December Release Movies: वर्षाचा शेवट होणार मनोरंजनात्मक! एकाच दिवशी रिलीज होणार 'हे' मराठी चित्रपट

December Release Movies: 2023 हे वर्ष संपायला अवघे काही दिवस राहिले आहेत. वर्षाचा शेवट अनेक जण पार्टी करुन, ट्रीपला जाऊन करतात. पण तुम्हाला जर वर्षाचा शेवट मनोरंजनात्मक करायचा असेल तर तुम्ही काही मराठी चित्रपट पाहू शकता. डिसेंबर महिन्यामध्ये काही मराठी चित्रपट प्रेक्षकांच्या भेटीला येणार आहेत. जाणून घेऊयात या चित्रपटांबद्दल...

Sangeet Devbabhali : 'संगीत देवबाभळी' अखेर प्रेक्षकांचा निरोप घेणार; 500 व्या प्रयोगाने नाटकाचा प्रवास आता विसावणार

Sangeet Devbabhali : 'संगीत देवबाभळी' (Sangeet Devbabhali) हे मराठी रंगभूमीवरील गाजत असलेलं नाटक आहे. पण आता हे नाटक प्रेक्षकांचा निरोप घेणार आहे. 500 व्या प्रयोगाने या नाटकाचा प्रवास विसावणार आहे. कार्तिकी एकादशीच्या मुहूर्तावर 'संगीत देवबाभळी' प्रेक्षकांचा निरोप घेणार आहे. श्री षण्मुखानंद सभागृहात या नाटकाचा शेवटचा प्रयोग पार पडेल.