Katrina Kaif Vicky Kaushal Wedding : विकी-कतरिनाचं Kangana Ranaut ने केलं कौतुक, म्हणाली...

Kangana Ranaut : कंगना रणौतने इंस्टाग्राम स्टोरीच्या माध्यमातून विकी-कतरिनाचं कौतुक केलं आहे.

कंगना_रणौत

Katrina Kaif Vicky Kaushal Wedding : कंगना रनौत (Kangana Ranaut) बॉलिवूड सिनेमांसोबत देशात आणि जगात घडणाऱ्या घडामोडींवर सतत तिची मतं व्यक्त करत असते. या थलायवी अभिनेत्रीने नुकतेच इंस्टाग्राम स्टोरीच्या माध्यमातून विकी-कतरिनाचे कौतुक केले आहे. विक्की कौशल (Vicky Kaushal)आणि कतरिना कैफ यांच्या (Katrina Kaif) यांच्या लग्नासोहळ्याची चर्चा सध्या सोशल मीडियावर सुरू आहे. या चर्चेत कंगना रणौतदेखील सहभागी झाली आहे. 

कंगना रणौतने तिच्या पोस्टमध्ये कमी वयाच्या मुलांसोबत लग्न करणाऱ्यांसाठी खूश असल्याचं सांगितलं आहे. कंगनाने लिहिले आहे,"लहानपणी आम्ही अशा अनेक कथा ऐकल्या आहेत ज्यात श्रीमंत पुरुष खूप लहान मुलींसोबत लग्न करायचे. स्त्रियांसाठी त्यांच्या पतीपेक्षा अधिक यशस्वी होणं ही एक मोठी समस्या म्हणून पाहिली जात होती. वयाने लहान मुलाशी लग्न करणं तर विसरूनच जा. एका विशिष्ट वयानंतर स्त्रियांना लग्न करणं अशक्य झालं. श्रीमंत आणि यशस्वी स्त्रिया, भारतीय सिनेसृष्टीतील आघाडीच्या स्त्रिया या लैंगिकतेचे नियम मोडत आहेत. हे पाहणं चांगलं आहे". 

विकी कौशल आणि कतरिना कैफ यांच्या वयात 5 वर्षांचा फरक आहे.  प्रियांका चोप्रानेदेखील आपल्यापेक्षा 10 वर्षांनी लहान असलेल्या निक जोनाससोबत लग्न केलं आहे. दुसरीकडे, सुष्मिता-रोहमन शॉल, अर्जुन-मलायका यांच्या वयात खूप अंतर आहे आणि चाहते त्यांच्या लग्नाची आतुरतेने वाट पाहत आहेत.

कंगनाचे आगामी सिनेमे
'तेजस' सिनेमानंतर कंगनाचा 'धाकड' सिनेमा प्रदर्शित होणार आहे. धाकड चित्रपटात कंगना एका गुप्तहेराच्या भूमिकेत दिसणार आहे. कंगना 'द इनकार्नेशन ऑफ सीता' या पौराणिक चित्रपटातदेखील मुख्य भूमिकेत दिसणार आहे. 'टिकू वेड्स शेरू' या सिनेमावरदेखील कंगनाचे काम सुरू आहे. या चित्रपटात नवाजुद्दीन सिद्दीकी आणि अवनीत कौर मुख्य भूमिकेत दिसणार आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha