Karan Johar announces Bedhadak : करण जोहरच्या 'बेधडक' चित्रपटाची घोषणा; आणखी एका स्टारकिडला केलं लाँच

Bedhadak :  'बेधडक' या करण जोहरच्या आगामी चित्रपटाची घोषणा करण्यात आली आहे.

shanaya kapoor,Bedhadak,Laksh Lalwani,Gurfateh Pirzada

Karan Johar announces Bedhadak : बॉलिवूडमधील प्रसिद्ध चित्रपट निर्मता आणि दिग्दर्शक करण जोहरनं (Karan Johar) त्याच्या 'बेधडक'(Bedhadak) या नव्या चित्रपटाची घोषणा केली आहे. या चित्रपटातून त्यानं तीन नव्या कलाकारांना लाँच केलं आहे. या चित्रपटामधून संजय कपूर (Sanjay Kapoor) आणि महीप कपूर (Maheep Kapoor) यांची मुलगी शनाया कपूर (Shanaya Kapoor) बॉलिवूडमध्ये पदार्पण करत आहे. तसेच लक्ष्य लालवानी (Laksh Lalwani) आणि गुरफतेह पीरजादा (Gurfateh Pirzada)  हे दोन अभिनेते देखील या चित्रपटात प्रमुख भूमिका साकारणार आहेत. या चित्रपटाचे दिग्दर्शन शशांक खेतानं यानं केले आहे. सोशल मीडियावर पोस्ट शेअर करून करण जोहरनं या चित्रपटातील कलाकारांची ओळख प्रेक्षकांना करून दिली आहे. 

करण जोहरचं ट्वीट

करणने त्याच्या पोस्टमध्ये लिहिले, 'आम्ही तुमच्या समोर एक खास प्रेम कथा मांडणार आहोत. या चित्रपटात करण ही भूमिका लक्ष साकारणार आहे तर निमृत ही भूमिका शनाया कपूर साकारणार आहे. तसेच अंगद ही भूमिका अभिनेता  गुरफतेह पीरजादा साकारणार आहे. '

We’re bringing to you a new era of love - one that’s filled with passion, intensity & boundaries that will be crossed…#Bedhadak!❤️

Starring, our latest addition to the Dharma Family - #Lakshya, @shanayakapoor & @gurfatehpirzada! Directed by the exceptional #ShashankKhaitan. pic.twitter.com/5FIAzcfZWm

— Karan Johar (@karanjohar) March 3, 2022

बेधडक चित्रपटात करण ही भूमिका साकारणारा अभिनेता लक्ष हा छोट्या पडद्यावरील प्रसिद्ध अभिनेता आहे. तर शनाया ही अभिनेता संजय कपूरची मुलगी आहे. शनाया आधी करणनं आलिया भट आणि वरूण धवन या स्टार किड्सला लाँच केले होते. आलिया आणि वरूणनं करणच्या 2012 मध्ये प्रदर्शित झालेल्या स्टूडंट ऑफ द इयर या चित्रपटातून बॉलिवूडमध्ये पदार्पण केलं. 

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha