Coronavirus | वैद्यकीय कर्मचाऱ्यांसाठी विद्या बालनने गोळा केले 2500 PPE किट्स अन् लाखो रूपयांचा मदतनिधी

देश कोरोना व्हायरसच्या विळख्यात अडकला असतानाच कोरोना विरूद्धच्या लढ्यात देशाच्या मदतीसाठी अनेक सेलिब्रिटींनी मदतीचा हात पुढे केला आहे. अभिनेत्री विद्या बालनही या लढ्यात महत्त्वाची भूमिका बजावणाऱ्या वैद्यकीय कर्मचाऱ्यांच्या मदतीसाठी धावून आली आहे.

मुंबई : बॉलिवूड अभिनेत्री विद्या बालनने कोरोना व्हायरस विरोधात लढा देणाऱ्या वैद्यकीय कर्मचाऱ्यांसाठी मदतीचा हात पुढे केला होता. आता पुन्हा एकदा विद्या बालन मदत करण्यासाठी पुढे आली आहे. कोरोना विरूद्धच्या लढ्यात मदत करण्यासाठी विद्या बालनने मोठी रक्कम जमा केली आहे. आपल्या इन्स्टाग्राम अकाऊंटवरून यासंदर्भात तिने माहिती दिली. विद्याने सांगितलं की, तिने गरजुंच्या मदतीसाठी फंड गोळा केला आहे. यासंदर्भात सविस्तर माहिती देताना तिने सांगितले की, ती फार आनंदी आहे की, तिने डॉक्टरांसाठी 2500 हून अधिक पीपीई किट्स आणि 16 लाख रूपयांचा मदतनिधी गोळा केला आहे.

विद्या बालनने सेलिब्रिटी शाउट-आउट प्लेटफॉर्म ट्रिंगसोबत, दृष्यम फिल्मचे मनीष मुंद्रा आणि फोटोग्राफरसोबतच चित्रपट निर्माते अतुल कास्बेकर यांच्यासोबत एकत्र येऊन हा मदतनिधी गोळा केला आहे.

विद्याने इन्स्टाग्रामवर एक व्हिडीओ शेअर केला आहे. ज्यामध्ये तिने यासंदर्भात माहिती दिली आहे, विद्या व्हिडीओमध्ये म्हणाली की, 'मला आज सकाळी एका चांगल्या बातमीमुळे जाग आली. आम्ही 2500 पीपीई किट्सपर्यंत पोहोचलो आहोत. तसेच काही तासांतच 16 लाखांहून अधिक रूपये एकत्र करण्यात आले आहेत. तुमच्यापैकी प्रत्येकाने जे दान केलं आहे, त्यातूनच हे शक्य झालं. तुम्हा सर्वांना खरंच खूप धन्यवाद. तुम्हा सर्वांना अनेक आशीर्वाद. हीच खरी भारताची एकता आणि भावना आहे.'

दरम्यान, याआधीही विद्या बालनने स्वतः 1000 पीपीई किट्स डोनेट केले आहेत. तिने यासंर्भातील माहिती इन्स्टाग्रामवरून दिली होती. आपल्या पोस्टमध्ये विद्याने सांगितले होते की, 'नमस्ते, आपण आपल्या हेल्थ वर्कर्सना पीपीई (पर्सनल प्रोटेक्टिव इक्विपमेंट) किट #WarAgainstCovid19 मध्ये त्यांच्या सुरक्षेसाठी देत आहोत. मी आपल्या मेडिकल स्टाफसाठी 1000 पीपीई किट्स दान करणार आहे. इतर पीपीई किट्स आणि मदतनिधी गोळा करण्यासाठी ट्रिंगसोबत एकत्र येऊन काम करत आहे. देशभरात आपले डॉक्टर्स आणि वैद्यकीय कर्मचाऱ्यांसाठी 1000 पीपीई किट्सची तत्काळ गरज आहे.'

संबंधित बातम्या :