Amitabh Bachchan in Ramayan : बहुचर्चित रामायण सिनेमात बीग बींची एन्ट्री, साकारणार 'ही' महत्त्वाची भूमिका

Amitabh Bachchan in Ramayan : रणबीर कपूरच्या रामायण या सिनेमात बीग बी अमिताभ बच्चन यांची एन्ट्री झाली असून ते महत्त्वाची भूमिका साकारण असल्याचं सांगण्यात येत आहे. 

Ramayan (Photo : Twitter/@imrkartik,, Amitabh instagram)

Amitabh Bachchan in Ramayan :   बॉलीवूडसह संपूर्ण सिनेसृष्टीमध्ये सध्या 'रामायण' (Ramayan) या चित्रपटाची चर्चा आहे. नितेश तिवारी यांनी दिग्दर्शित आणि रणबीर कपूर (Ranbir Kapoor) मुख्य भूमिकेत असणाऱ्या या चित्रपटाची सध्या प्रेक्षकांना बरीच उत्सुकता लागून राहिली आहे. सध्या सिनेमाचं स्टार कास्टिंग सुरु असून विविध भूमिकांसाठी तगडे अभिनेते आणि अभिनेत्र्यांची निवड केली जातेय. त्यातच आता या सिनेमाचा अभिनेते अमिताब बच्चन (Amitabh Bachchan) देखील झळकरणार असल्याची माहिती समोर आलीये. 

रामायण या चित्रपटामध्ये रणबीर कपूर हा रामाची भूमिका साकारणार असून अभिनेत्री साई पल्लवी ही सितेच्या भूमिकेत दिसणार आहे. त्यातच आता अमिताभ देखील या चित्रपटातून प्रेक्षकांच्या भेटीस येणार असून बीग बी यामध्ये कोणती भूमिका साकारणार हा प्रश्न सध्या सगळ्यांना पडला आहे. पण या चित्रपटामध्ये बीग बी हे अत्यंत महत्त्वाच्या भूमिकेत दिसणार आहेत. 

अमिताभ साकारणार 'ही' भूमिका

टाईम्स नाऊच्या वृत्तानुसार,  रामायण या सिनेमात अमिताभ बच्चन हे राजा दशरथाची भूमिका साकारणार असल्याची माहिती समोर येत आहे. या भूमिकेसाठी सिनेमाची टीम देखील अमिताभ यांना कास्ट करण्यासाठी उत्सुक असल्याचं म्हटलं जात आहे. पण रामायण सिनेमात अमिताभ बच्चन ही भूमिका साकारणार की नाही, हे अद्याप स्पष्ट झालेलं नाही. असं असलं तरीही रामायण या सिनेमात अमिताभ यांना दशरथाच्या भूमिकेत पाहायला प्रेक्षकांना नक्कीच आवडेल. 

Big update: Amitabh Bachchan is set to portray Dashrath in Nitesh Tiwari's epic project Ramayana😍

Are you all excited?

🔗Click on the link in our bio to know more.
.
.#zoomtv #bollywoodnews #entertainmentnews #celebritynews #ramayana #ramayan #rama #lordram #ranbirkapoormagic… pic.twitter.com/wL4Rrgqy5Q

— @zoomtv (@ZoomTV) February 12, 2024

अशी असेल सिनेमाची स्टारकास्ट

रामायण या सिनेमामध्ये श्रीरामाच्या भूमिकेत रणबीर कपूर तर सीतेच्या भूमिकेत साई पल्लवी झळकणार आहे. या सिनेमात रावणाची भूमिका केजीएफ फेम यश साकारणार आहेत. तसेच बिभीषणाच्या भूमिकेत बॉबी देओल, लारा दत्ता कैकयी आणि विजय सेतुपती बीभिषणाच्या भूमिकेत दिसणार आहे. नितेश तिवारी यांचा रामायण हा सिनेमा 2025 मध्ये सिनेमागृहात प्रेक्षकांच्या भेटीला येणार असल्याचं म्हटलं जात आहे. 

लंका दहन सीन 'या' देशात होणार शूट

लंडनमध्ये पुढील 60 दिवस 'रामायण'चं शूटिंग चालेल. तसेच लंडनमध्येच या सिनेमातील लंका दहन सीन शूट होणार आहे. या सिनेमातील अॅक्शन सीनचं शूटिंग लंडनमधील एका स्टुडिओमध्ये होणार आहे. रणबीर कपूर या सिनेमात प्रभू रामाच्या भूमिकेत झळकणार आहे. या भूमिकेसाठी अभिनेत्याने दारू आणि मांसाहार सोडला आहे. या सिनेमात रणबीर रामाच्या, साई पल्लवी सीता आणि यश रावणाच्या भूमिकेत दिसणार आहे.

ही बातमी वाचा :