Adipurush: 'आदिपुरुष' चित्रपट निर्माता ओम राऊतला भूषण कुमार यांच्याकडून खास गिफ्ट; किंमत ऐकून व्हाल अवाक्!
आदिपुरुष (Adipurush) या चित्रपटाचा निर्माता ओम राऊतला भूषण कुमार (Bhushan Kumar) यांनी एक खास गिफ्ट दिलं आहे.
Adipurush: प्रसिद्ध दिग्दर्शक ओम राऊत (Om Raut) हा सध्या त्याच्या आदिपुरुष (Adipurush) या आगामी चित्रपटामुळे चर्चेत आहे. या चित्रपटाचा ट्रेलर काही दिवसांपूर्वी रिलीज झाला. या ट्रेलरमध्ये वापरण्यात आलेल्या VFX मुळे अनेकांनी या ट्रेलरला ट्रोल केलं. या चित्रपटात सैफ अली खान (Saif Ali Khan), प्रभास (Prabhas) आणि क्रिती सेनन (Kriti Sanon) यांनी प्रमुख भूमिका साकरली आहे. या चित्रपटाचे निर्माते भूषण कुमार (Bhushan Kumar) यांनी ओम राऊतला लग्झरी काल गिफ्ट केली आहे. या कारची किंमत जाणून घेऊयात...
भूषण कुमार यांनी ओम राऊतला दिली फेरारी
भूषण कुमार यांनी ओम राऊतला भेट म्हणून दिलेली फेरारी ही जवळपास 4.02 कोटी रुपयांची आहे. ही लाल रंगाची Ferrari F8 Tributo भूषण कुमार यांच्या नावानं रजिस्टर्ड आहे. त्यामुळे भूषण यांनी त्यांच्या कलेक्शनमधील कार ओमला दिली आहे, असं म्हटलं जात आहे.
कार्तिक आर्यनला देखील भूषण यांनी दिलं होतं गिफ्ट
ओम राऊतच्या आधी भूषण यांनी कार्तिक आर्यनला McLaren GT ही कार गिफ्ट म्हणून दिली होती. या कारची किंमत जवळपास 4.70 कोटी रुपये आहे. कार्तिक या कारचे फोटो आणि व्हिडीओ सोशल मीडियावर शेअर करत असतो.
View this post on Instagram
आदिपुरुष या दिवशी येणार प्रेक्षकांच्या भेटीस
आदिपुरुष हा चित्रपट 12 जानेवारी 2023 रोजी IMAX आणि 3D मध्ये प्रेक्षकांच्या भेटीला येणार आहे. या चित्रपटाची प्रेक्षक उत्सुकतेने वाट बघत आहेत. या चित्रपटाचं दिग्दर्शन ओम राऊतनं केलं आहे. चित्रपटात प्रभासनं राम ही भूमिका साकारली आहे. तर कृती सेनन ही सीता या भूमिकेतून आणि सैफ रावण या भूमिकेतून प्रेक्षकांच्या भेटीस येणार आहे. लक्ष्मणाची भूमिका अभिनेता सनी सिंह साकारत आहे. हिंदी, तामिळ, मल्याळम, कन्नड या भाषांमध्ये 'आदिपुरुष' सिनेमा प्रदर्शित होणार आहे.
वाचा इतर महत्त्वाच्या बातम्या:
महत्त्वाच्या बातम्या
