Aashram 4 Season : बाबा निराला येणार, 'आश्रम-4' कधी रिलीज होणार? 'भोपा स्वामी'ने दिली मोठी अपडेट
Bobby Deol Aashram 4 web Series Updates : 'काशीपूरवलाले बाबा निराला' प्रेक्षकांच्या भेटीला कधी येणार याची उत्सुकता सगळ्यांना लागली आहे.
Bobby Deol Aashram 4 web Series Updates : अभिनेता बॉबी देओलची (Bobby Deol) प्रसिद्ध वेब सीरिज 'आश्रम' (Aashram Web Series) पुन्हा एकदा चर्चेत आहे. 'काशीपूरवलाले बाबा निराला' प्रेक्षकांच्या भेटीला कधी येणार याची उत्सुकता सगळ्यांना लागली आहे. 'बाबा निराला' यांचा राईट हँड असलेल्या 'भोपा स्वामी' अर्थात चंदन रॉय सन्याल याने 'आश्रम-4' (Aashram Web Series OTT Updates) मोठी अपडेट दिली आहे.
कधी रिलीज होणार 'आश्रम-4'?
अभिनेता चंदन रॉय सन्याल याने लाईव्ह हिंदुस्तान या वृत्तसंकेतस्थळाला मुलाखत दिली. आपल्या मुलाखतीत चंदने आश्रम-4 बाबत म्हटले की, मी कुठेही गेलो तरी आश्रमच्या चौथ्या सीझनबद्दल विचारणा करतात. त्यामुळे मी आश्रमच्या सर्व प्रेक्षकांना सांगू इच्छितो की, आश्रमचा चौथा सीझन याच वर्षी प्रदर्शित होणार आहे. या वेब सीरिजचे चित्रीकरण झाले असून, सर्व तयारी पूर्ण झाली असल्याचे चंदनने सांगितले. डिसेंबर महिन्यात 'आश्रम-4' OTT वर प्रसारित होणार असल्याचे समजते. मात्र, रिलीज डेट अद्याप निश्चित झाली नसल्याची माहिती आहे.
चंदन रॉय सन्यालने मुलाखतीत सांगितले की, आश्रम या वेब सीरिजला लोकांनी मोठा प्रतिसाद दिला. या वेब सीरिजचा प्रभावही लोकांवर पडला. सीरिजमधले 'जपनाम' हा शब्द सामान्य लोकांपर्यंत पोहचला असल्याचे चंदनने सांगितले. ही वेब सीरिज सामान्यांपासून ते उच्चभ्रू वर्गातही लोकप्रिय ठरली. यावेळी त्याने प्रकाश झा यांचेही कौतुक केले.
'आश्रम-4'चा टीझर लाँच
View this post on Instagram
‘आश्रम’च्या चौथ्या सीझनचा टीझर जून 2022 मध्ये रिलीज झाला होता. टीझर शेअर करताना बॉबी देओलने लिहिले होते की, “बाबा निराला हे अंतर्यामी आहेत, त्यांना तुमच्या मनातील गोष्टी माहीत आहेत. त्यामुळे आश्रम 3 च्या एपिसोडसोबत आम्ही आश्रम 4 ची झलक सादर करत असल्याचे बॉबी देओलने म्हटले होते.
आश्रम वेब सीरिजमधून बॉबी देओलने ओटीटीवर पदार्पण केले होते. बॉबी देओलची ही भूमिका लोकांना प्रचंड आवडली होती. प्रकाश झा यांनी या वेब सीरिजचे दिग्दर्शन केले. सीरिजच्या पहिल्या तीन भागांना प्रेक्षकांनी चांगला प्रतिसाद दिला.
इतर महत्त्वाच्या बातम्या :
महत्त्वाच्या बातम्या
